Мария Васильева хаартыската, СИА.
Владивостокка Илиҥҥи экэнэмиичэскэй пуорум кэмигэр Саха сирин Арктикатын сайдыытыгар улахан кэпсэтиилэр ыытылыннылар. Бу туһунан Ил Дархан Айсен Николаев иһитиннэрдэ.
-Бастатан туран, биһиги Арктикабытыгар оптоволокно киллэриитин бырайыага хамсаата. Билигин Арассыыйа үрдүк салайааччыларыттан эмиэ өйөбүлү ыламмыт күүскэ үлэлээн эрэбит. Кэлэр икки-үс сылга бары Арктика оройуоннарыгар оптоволокно тардаммыт, түргэн интернет киллэрэммит, сибээс эйгэтин сайыннараммыт дьон олоҕун тупсарыахтаахпыт. Быйыл ахсынньы ыйга диэри оптоволокно Эдьигээҥҥэ тиийиэҕэ, онтон эһиил өссө салҕыы барыаҕа.
Иккиһинэн, биһиги Арктикаҕа олорор дьоммут-сэргэбит табаарга үрдүк сыана боппуруоһун куруутун туруораллар. Манна тырааныспар айана ыарахан буолан ас-үөл, таҥас-сап уо.д.а бородууксуйаҕа сыана үрдүк. Ол иһин бүтэһик сылларга эргиэн-логистика кииннэрин хас даҕаны оройуоҥҥа туттубут. Билигин РФ Уһук Илин уонна Арктика сайдыытын министиэристибэтин көмөтүнэн үлэ күүскэ баран эрэр. Пуорум кэмигэр өссө биир эргиэн-логистика киинэ Орто Халымаҕа аһылынна. Бу эбийиэк үлэҕэ киирбитин көрөн дьон барыта сүрдээҕин сэҥээрдэ. Кинилэр маннык хайысханан биһиги Арктикаҕа дьон олоҕун тупсарыахпытын сөп диэн өйдөбүлгэ киирдилэр. 2024-2025 сс. устата туох баар Арктика улуустарыгар эргиэн-логистика кииннэрэ баар буолуохтара.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…