ВЭФ-2023: Саха сирэ арыандалаан олоруу бырагырааматыгар кыттыыга 11 бырайыагы билиһиннэрдэ

Илиҥҥи экэнэмиичэскэй пуорумҥа 10 тыһыынча арыандалаан олорор кыбартыыраны оҥоруу туһунан бэрэсидьиэн бырагырааматын тула кэпсэтии таҕыста. Саха сирин баһылыга Айсен Николаев бэлиэтииринэн, бу бырагыраамаҕа өрөспүүбүлүкэ барыта 850 кыбартыыраҕа 11 бырайыагы оҥорон киллэрбит — Дьокуускайга, Мииринэйгэ, Алдаҥҥа уонна Томмокко.

«Дьокуускайга эдэр исписэлиистэр уонна устудьуоннар элбэхтэр. Мииринэй, Нерюнгри, Алдан уонна Томмот бырамыысыланнас сайдыбыт куораттара, манна сир баайын хостууллар. Онон идэтийбит исписэлиистэри бу куораттарга олохсутуу өрөспүүбүлүкэ экэниэмикэтин сайыннарарга биир сүрүн хайысханан буолар», — диэтэ Айсен Николаев.

Айсен Николаев эрэгийиэҥҥэ арыандалар дьиэни тутууга биисинэһи көҕүлээһин 2018 сылтан көрүллэригэр болҕомтотун уурда.