Хаартыска: Андрей Сорокин, СИА
Геологическэй чинчийии сайдыытын былаанын оҥоруу — өрөспүүбүлүкэ бырамыысыланнаһын сайыннарыытыгар биир сүрүн соруга буолар. Бу туһунан Илиҥҥи экэнэмиичэскэй пуорум кэмигэр СӨ бырамыысыланнаска уонна геологияҕа миниистирэ Максим Терещенко иһитиннэрдэ.
Бүгүн, балаҕан ыйын 11 күнүгэр, Владивостокка буола турар Илиҥҥи экэнэмиичэскэй пуорумҥа Ил Дархан Айсен Николаев уонна Роснедра салайааччыта Евгений Петров көрсөн бырамыысыланнас боппуруостарын ырыттылар, сүрүннээн геологическэй чинчийиини өрөспүүбүлүкэҕэ сайыннарыы туһунан кэпсэттилэр.
«Саамай бастакы уонна тутаах сорукпут Саха сиригэр геологическэй чинчийии сайдыытын былаанын оҥорон таһаарыы буолар. Бу улахан боппуруоһу өрөспүүбүлүкэ баһылыга Айсен Николаев Арассыыйа Бэрэсидьиэнигэр суруйбут суругар киллэрбитэ», — диэн Максим Терещенко эттэ.
Кини бэлиэтээбитинэн, көрсүһүүгэ ону таһынан бырамыысыланнас салаатыгар цифровизация киллэриитин туһунан кэпсэттилэр.
«Билигин биһиги чопчу эбийиэктэри, үлэ болдьоҕун уонна көдьүүһүн туһунан кэпсэттибит. Бу үлэ түмүгэр өрөспүүбүлүкэ экэниэмикэтигэр 2 трлн тахса солкуобай көрүллүөҕэ. Ону таһынан, геологическэй чинчийии чөлүгэр түһүөҕэ, саҥа каадырдар тахсыахтара, оройуоннарбытыгар, ол иһигэр хоту уонна ыраах сытар, бырамыысыланнас сайдыаҕа», — диэтэ миниистир.
Итиэннэ кэпсэтиигэ Уһук Илиҥҥэ ыытыллыахтаах сири туһанааччылар (недропользователи) бастакы пуорумнарын боппуруостарын дьүүллэстилэр. Миниистир этэринэн, бу тэрээһин кэлэр сылларга геологическэй чинчийии сайдар хайысхатын быһаарыаҕа.
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…
Бүгүн, балаҕан ыйын 16 күнүгэр, өрөспүүбүлүкэ арҕаа өттүгэр, Өлүөнэ аллараа тардыытынан ардах, инчэҕэй хаар түһүөҕэ.…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…