Хаартыска: Ил Дархан, бырабыыталыстыба дьаһалтатын пресс-сулууспата.
Илиҥҥи экэнэмиичэскэй пуорум кэмигэр Орто Халымаҕа эргиэн-логистика киинин арыйдылар. Бу Саха сиригэр бэһис маннык киин буолар.
Орто Халымаҕа эбийиэк үлэҕэ киириитэ Саха сирин Арктикатыгар эргиэн-логистика киинин ситимин сайдыытын бастакы кэрдииһинэн буолар. Ситимҥэ Орто Халыматтан ураты Халыма өрүскэ турар Черскэй уонна Зырянка холбонуохтара.
Бүгүҥҥү күҥҥэ эргиэн-логистика кииннэрэ Абыйга, Усуйаанаҕа, Анаабырга, Аллараа Халымаҕа уонна Орто Халымаҕа баалар. Быйыл күһүн Үөһээ Халымаҕа эмиэ аһыллыаҕа.
Халыма оройуоннарыгар үс эргиэн-логистика кииннэрэ үлэҕэ киирдэхтэринэ, манна ас-үөл арааһа элбиэҕэ, сыана түһүөҕэ, итиэннэ сибиэһэй оҕуруот аһа уонна фрукта баар буолуоҕа. Эт, балык ас, сир аһын соҕотуопкатынан дьарыктанар олохтоох дьон саҥа дохуот источниктарынан хааччыллыахтара. Магадааны уонна Чукотканы кытары табаар эргиирэ үрдүөҕэ.
СӨ бырабыыталыстыбатын бэрэссэдээтэлин солбуйааччы Михаил Никифоров бэлиэтээбитинэн, эргиэн-логистика кииннэрэ Арктика оройуоннарыгар Ил Дархан Айсен Николаев ыйааҕынан тутуллаллар.
«Халыма оройуоннарыгар эргиэн-логистика кииннэрин ситимин тутуллуута өрөспүүбүлүкэ социальнай уонна экэнэмиичэскэй сайдыытыгар улахан суолталаах. Мантан ыла олохтоох дьон Хотугу муора суолун нөҥүө «улахан сири» кытта эрэллээх сибээстээхтэр», — диэн Михаил Никифоров бэлиэтээтэ.
Санатан суруйдахха, 2025 сыл бүтүөр диэри эргиэн-логистика кииннэрэ Арктика 13 оройуонугар үлэҕэ киллэриллэллэрэ былааннанар. Билиҥҥи туругунан, 5 киин тутуллан үлэҕэ киирдэ. Бу — Абый оройуонугар Белай Гораҕа, Усуйаанаҕа, Аллараа Халымаҕа Черскэй бөһүөлэгэр, Үөһээ Халымаҕа Зырянкаҕа, Анаабыр оройуонугар Сааскылаахха.
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…