Хаартыска: "Азия оҕолоро" кэмитиэтэ тиксэрдэ
Владивосток куоракка буола турар Илиҥҥи экэнэмиичэскэй пуорумҥа 2024 сылга Дьокуускайга ыытыллыахтаах «Азия оҕолоро» норуоттар икки ардыларынааҕы ахсыс оонньуулар тустарынан билиһиннэрдилэр. Пуорум кыттыылаахтарыгар оонньуулар туһунан кэпсээтилэр, ону таһынан мас тардыһыыга, тутум эргииргэ уо.д.а саха успуордун көрүҥнэригэр маастар-кылаас ыыттылар.
«Илиҥҥи экэнэмиичэскэй пуорумҥа «Азия оҕолорун» сүрэхтэниитэ бастатан туран, атын дойдулартан кэлбит дьону биһиги оонньуубутун кытары билиһиннэрэр уонна саҥа инвестордары ыҥырар сыаллаах ыытыллар. «Азия оҕолоро» социальнай хайысхалаах өрөспүүбүлүкэ биир биллэр брендэ буолар. Бу оонньуу 27 сыл анараа өттүгэр Азия дойдуларын кытары сибээһи олохтуур, бигэ туруктуур сыаллаах тэриллэн, күн бүгүн успуорт улахан тэрээһинигэр кубулуйда. Онон, пуорумҥа Азия оҕолорун туһунан кэпсиир, көрдөрөр булгуччулаах», — диэн «Азия оҕолоро» норуоттар икки ардыларынааҕы кэмитиэт бэрэсидьиэнэ Владимир Максимов эттэ.
Санатан эттэххэ, «Азия оҕолоро» норуоттар икки ардыларынааҕы спортивнай оонньуу Саха сиригэр 1996 сыллаахха тэриллибитэ. «Азия оҕолоро» күрэхтэһии 2024 сылга бэс ыйын 25 — от ыйын 7 күннэригэр ыытыллара былааннанар. Тэрийээччилэр бэлиэтээбиттэринэн, аныгыскы оонньууларга успуорт саҥа көрүҥнэрин киллэриэхтэрэ. Ол иһигэр кикбоксинг, интеллектуальнай оонньуулар, спортивнай үҥкүү, «Го» дуоска оонньуута, альпинизм уо.д.а.
Бу күннэргэ Владивостокка ахсыс төгүлүн ыытыллар Илиҥҥи экэнэмиичэскэй пуорум буола турар. Саха сирэ пуорум кэмигэр 100 миллиард солкуобай суумалаах 30-ча инвестиционнай бырайыактарга илии баттаһар былааннаах.
Быһылаан өссө тахсыбатын туһугар ГИМС иниспиэктэрдэрэ сэрэтэр эриэйдэлэри ыыталлар Кылгас сайыннаах буоламмыт, күн итийдэ да…
Бэс ыйын 24 күнүгэр 1968 сыллаахха Дьокуускайга Манчаары Баһылай бирииһигэр I спартакиада былааҕа көтөҕүллүбүтэ. Күрэхтэһии…
СӨ Быыһыыр сулууспата иһитиннэрбитинэн, Үөһээ Бүлүү улууһугар ыам ыйын 13 күнүттэн 1987 с.т. эр киһини…
Нерюнгрига Олоҥхо ыһыаҕа ыытылла турар, саҥа тутуллубут "Амикан'' этнокомплекска Уустар түһүлгэлэрин аһыллыыта буолла. Бырабыыталыстыба бэрэссэдээтэлин…
Онлайн-платформаҕа киирэн, киинэ көрөбүн диэн түөкүттэр угаайыларыгар киирэн биэриэххэ сөп эбит. Саҥа ньыма «Антикино» диэн…
Манчаары оонньуулара буолара биэс хонук хаалбыт күнүгэр, Булуҥ сэлиэнньэтин олохтооҕо, Саха Өрөспүүбүлүкэтин уус-уран оҥоһуктарын маастара…