Балаҕан ыйын 10 күнүгэр Владивостокка «Уһук Илин уулуссата» диэн үгэс буолбут пуорум аһылынна. Тэрээһин Илиҥҥи экэнэмиичэскэй пуорум чэрчитинэн сэттэ күн иһигэр ыытыллар. Манна пуорум кыттыылаахтарыгар Уһук Илин эрэгийиэннэрин туһунан билиһиннэрэллэр. Ол курдук, Саха сирэ бэйэтин култуурунай бырагырааматын көрдөрүөҕэ, инвестиционнай уонна ураты туристическай бырайыактарын сырдатыаҕа.
Уһук Илин уокурукка Саха сириттэн бастайааннай бэрэстэбиитэл солбуйааччыта Петр Бурнашев бэлиэтээбитинэн, быйыл Саха сирэ пуорумҥа улахан култуурунай бырагыраама бэлэмнээбит. Өрөспүүбүлүкэ биллэр артыыстара уонна айар бөлөхтөрө, ол иһигэр Опера уонна балет судааарыстыбыннай тыйаатырын, Олоҥхо тыйаатырын уонна филармония сүрүн солистара, Хотугулуу-Илиҥҥи федеральнай университет ансаамбыла уо.д.а. сүрүн былаһааккаҕа кэнсиэрдиэхтэрэ. Киэһээ ахсын ыалдьыттарга «Дьулуур», «Бүгүн-былыр», «Рядовой Чээрин» уо.д.а сахалыы киинэлэри көрдөрүөхтэрэ. Ону таһынан, хомуска оонньуурга маастар-кылаас, мас тардыһыыга турнир буолуохтара.
Саха сирин павильона сүрүн идиэйэтэ — ааспат тымныы дойдута. Хас биирдии эбийиэк сахалыы оһуорунан-мандарынан киэргэтиллибит. Ону таһынан, көрдөрүүгэ ураһа уонна дьүкээбил баар. Павильон хас даҕаны былаһааккаҕа арахсар — сүрүн сыана, «Сделано в Якутии» көмүс оҥоһуктар, саха быһаҕын уо.д.а быыстапкалара уонна өрөспүүбүлүкэ инвестиционнай, инавиционнай бырайыактарын, туризм эйгэтин сырдатар былаһаакка.
«Ону таһынан быйыл биһиги байыаннай дьайыы павильонун арыйдыбыт. Манна Саха сирин урбаанньыттара оҥорон таһаарбыт байыаннай таҥастарын, тиэхиньикэлэрин быыстапкаларын туруордубут. Ол курдук, «Сокол» квадроцикл, «Хотой» FPV-дрон, «Томтор» харыстыыр бүрүөһүн, хонууга туттуллар оһох, хаххалыыр сиэккэ бааллар. Итиэннэ «Саха сирин эйигин кытта!» хамсааһын таҥаһа-саба эмиэ көрдөрүүгэ тураллар», — диэн Петр Бурнашев кэпсээтэ.
Санатан суруйдахха, быйылгы Илиҥҥи экэнэмиичэскэй пуорум балаҕан ыйын 10-13 күннэригэр ыытыллар. Дьыалабыай бырагыраамата барыта алта блоктаах: «Международное сотрудничество в изменившемся мире», «Логистика перемен», «Дальний Восток за десять лет. Что получилось и что нужно сделать», «Технологическое развитие как гарантия суверенитета», «Дальний Восток будущего», «Образование и воспитание как основа независимости».
Саха сирэ пуорум кэмигэр уопсайа 100 млрд солкуобай кэриҥэ суумалаах 30 тахса сөбүлэҥҥэ илии баттыаҕа.
СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар министиэристибэ иһитиннэрбитинэн, бүгүн Өлүөхүмэҕэ …
Сунтаар Кэмпэндээйитигэр котлованнай ньыманан элбэх кыбартыыралаах дьиэ тутуута саҕаланна. Бу туһунан улуус дьаһалтатын пресс-сулууспата иһитиннэрдэ.…
Бэйэтин уруккутун сыаналыыр, ытыктыыр нэһилиэк кэскиллээх. Харбалаахтааҕы үөрэхтээһин холбоһугар быйыл кыһын оскуола түмэлин архыыбын матырыйаалын…
Харбиҥҥа Арассыыйа-Кытай VIII Экспо чэрчитинэн, Саха Өрөспүүбүлүкэтин бырабыыталыстыбатын бэрэссэдээтэлин бастакы солбуйааччы Дьулустаан Борисов Beijing Jianlong…
Нам улууһун территориятыгар ыксаллаах быһыы-майгы эрэсиимэ биллэрилиннэ. Бу туһунан улуус дьаһалтатын пресс-сулууспата иһитиннэрдэ. Бүгүн, ыам…
Сааскы кустааһын сезона саҕаланыаҕыттан, хомойуох иһин, өрөспүүбүлүкэҕэ киһи өлүүлээх хас да түбэлтэ таҕыста. СӨ…