Хаартыска: Ил Дархан, бырабыыталыстыба дьаһалтатын пресс-сулууспата.
Дьокуускайга «Звезднай» түөлбэни тутуу бырайыага эбии судаарыстыбаннай көмөнү ылыаҕа. «РИА Вега» уонна Уһук Илин, Арктика сайдыытын корпорацията «Якутия» ТОР иитинэн бииргэ үлэлииргэ сөбүлэһиигэ илии баттастылар. Бу сөбүлэһии чэрчитинэн, элбэх кыбартыыралаах дьиэлэри кэлим тутууга чэпчэтии эрэсиимэ көрүллэр.
Илиҥҥи экэнэмиичэскэй пуорумҥа бу сөбүлэһиигэ бырабыыталыстыба бэрэссэдээтэлин бастакы солбуйааччы Кирилл Бычков баарына, «РИА Вега» генеральнай дириэктэрэ Анна Клименко уонна корпорация генеральнай дириэктэрэ Николай Запрягаев илии баттаатылар.
«Якутия» ТОР резиденэ буоллаҕына, «РИА Вега» нолуокка чэпчэтиинэн туһанар уонна инфраструктураҕа өйөбүлү ылар. Бу барыта тутуу, кыбартыыра сыаната чэпчииригэр туһуланар.
Бу иннинэ Ил Дархан Айсен Николаев «Звезднай» түөлбэ Дьокуускай куоракка улахан суолталааҕын бэлиэтээн турар. Билиҥҥитэ өрөспүүбүлүкэҕэ бу саамай улахан тутуу былаһаакката буолар. 68,5 гаа иэннээх сиргэ элбэх кыбартыыралаах 30 дьиэ тутуллуоҕа, манна 11 тыһыынча киһи олоруохтаах.
Түөлбэни кэлимник тутуохтара, ол эбэтэр, 316-лыы миэстэлээх икки оҕо саада, 1980 оҕоҕо анаммыт икки оскуола, поликлиника, сабыылаах каток, спортивнай саала, хочуолунай, баһаарынай чаас, суол-иис тутуллуоҕа. Бырайыак уопсай сыаната 14,63 миллиард солкуобай.
Ил Дархан, бырабыыталыстыба дьаһалтатын пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…