Хаартыска: СӨ Ил Дарханын уонна Бырабыыталыстыбатын пресс-сулууспата
Илиҥҥи экономическай пуорумҥа Ил Дархан Айсен Николаев Виталий Мутконы кытта көрүстэ.
Ил Дархан уонна ДОМ.РФ АУо генеральнай дириэктэрэ территориялары комплекснай сайыннарыы, куортамҥа бэриллибит дьиэ, генеральнай былааннар уонна эрэгийиэн сайдыытын боппуруостарын ырыттылар.
Айсен Николаев Виталий Муткоҕа ДОМ.РФ баан өрөспүүбүлүкэ бырайыактарыгар өйөбүлүн иһин махтанна.
«Эһиги көмөҕүтүнэн бүгүн улахан бырайыактар олоххо киирэллэр, чуолаан олор Дьокуускай территорияларын, «Звёзднай» уонна «Спортивнай» микрооройуоннары комплекснай сайыннарыыга сыһыаннаахтар», — диэн бэлиэтээтэ Айсен Николаев.
Виталий Мутко өрөспүүбүлүкэ Уһук Илиҥҥэ ДОМ.РФ биир саамай эрэллээх партнера буоларын тоһоҕолоото.
“Биһиги бааммыт өрөспүүбүлүкэҕэ улахан кээмэйдээх дьиэ тутуутун үбүлүүр. Бүгүҥҥү күҥҥэ эрэгийиэн хас да нэһилиэнньэлээх пууннарын генеральнай былааннарын оҥорууну бэйэбитигэр ылбыппыт», — диэн эттэ Виталий Мутко.
Мунньахха дьиэ тутуутугар кыттыгас үлэ түмүктэрэ, Дьокуускайга уонна Нерюнгрига генеральнай былааннары олоххо киллэрии, Тиксии-Найба агломерациятыгар генеральнай былааны оҥоруу боппуруостарын дьүүллэстилэр.
Ону тэҥэ Дьокуускай куорат өрүс пуордун сирин-уотун саҥардыы бырайыагын – «Ленские высоты» дьиэ комплексын, Дьокуускай куоракка «КОСМОС» гостиничнай комплекс тутуутун туһунан кэпсэттилэр.
Уһук Илиҥҥи федеральнай уокурукка табыгастаах арендалаах дьиэ” бырагыраама туһунан тиэмэ эмиэ таарылынна.
2024 сылга Илиҥҥи экономическай пуорум тохсус төгүлүн ыытыллар. Тэрээһин Владивосток куоракка Уһук Илиҥҥи федеральнай университет кампуһугар буола турар.
Олунньу 21 күнүгэр Саха Өрөспүүбүлүкэтин Судаарыстыбаннай Үүнэр көлүөнэ тыйаатыра байыаннай дьайыы кыттыылаахтарын хорсун быһыыларын үйэтитэр…
Бүгүн Креативнай индустрия кэллиэһигэр Аҕа дойду тас өттүгэр ытык иэстэрин толорбут интернационалист буойуттар күннэригэр уонна…
РИА-Новости иһитиннэрэринэн, Санкт-Петербург куоракка эбсийээнэ уоспатынан ыалдьыы икки түбэлтэтэ бэлиэтэммит. Уобаластааҕы Роспотребнадзор чахчыларынан, Таиланд Королевствотыттан…
ИДьМ Чурапчытааҕы салаатын дьуһуурунай чааһыгар түөкүннээһиҥҥэ түбэспит киһиттэн сайабылыанньа киирбит. Ол курдук эр киһи саппаас…
Билигин бырааска тэйиччиттэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…