https://www.sakha.gov.ru/
Владивосток куоракка Уһук Илиҥҥи экэнэмиичэскэй пуорум иккис күнэ үүннэ. Бүгүн араас сиэссийэлэр, сүбэ мунньахтар, көрсүһүүлэр ыытыллаллар.
Ил Дархан Айсен Николаев пуорум иккис күнүгэр РФ билимин уонна үрдүк үөрэҕин миниистирэ Валерий Фалькову кытта көрүстэ. Бу туһунан кини телеграмҥа ханаалыгар иһитиннэрдэ.
-Дьокуускай куоракка үрдүк үөрэх кыһалар икки ардыларынааҕы кампус тутуутун тула кэпсэттибит. Бу өрөспүүбүлүкэ сүрүн үрдүк үөрэҕин кыһаларын холбоон, үрдүк технологиялаах научнай-үөрэтэр эйгэни тэрийиигэ төһүү күүһүнэн буолуоҕа. Бырайыак аан дойдутааҕы таһымнаах кампустар ситимнэрин сорҕотунан буолуон сөп. Валерий Николаевич бырайыагы өйөөтө уонна инникилээҕин эттэ, — диэн өрөспүүбүлэ баһылыга иһитиннэрдэ.
Ил Дархан РФ миниистирин «Цифровой алмаз» иккис федеральнай пуорумҥа кыттарга ыҥырда. Тэрээһин Дьокуускайга сэтинньигэ ыытыллыахтаах. Ол чэрчитинэн ыытыллар стратегическай сиэссийэҕэ үрдүк үөрэх кыһаларын икки ардыларынааҕы кампус тула ырытыһыахтара.
Санатан эттэххэ, дойду Аҕа баһылыга Владимир Путин 2036 сылга диэри 40 университет кампуһа тутуллуохтааҕын эппитэ. Мантан 25-һэ 2030 сылга диэри олоххо киллэриллэрэ былааннанар.
Үүнээйи сибэккилэммэт буоллаҕына, оҕуруотчуттар олус туһалаах уонна судургу суурадаһыны оҥорон кутаргытыгар сүбэлииллэр. «Бу суурадаһынан үүнээйини…
Саха сиригэр сааскы халаан иккис долгуна салҕанар. Уу ресурсаларын федеральнай ааҕыныстыбатын Өлүөнэтээҕи бассейновай управление салайааччыта…
Бэс ыйын 2 күнүгэр киэһэ 23.00 чааска Саха сиринээҕи быыһыыр сулууспатын быыһааччыларын бөлөҕө Иннокентий Андросов…
«Саха сиригэр ойуур баһаардарын салгыы тарҕаналларын тохтоттулар, бары нэһилиэнньэлээх пууннарынан куттал суох», - диэн Экология,…
Хотугу өрүстэринэн муус ааспытын кэннэ «Саханефтегазсбыт» АУо Арктикатааҕы филиаллара навигацияҕа киириэхтэрэ. Бу күннэргэ аҕыс нефтебаазаҕа…
Бу күннэргэ матасыыкылынан сири-дойдуну кэрийэр Испания олохтооҕо Джаф Фернандеһы Саха сиригэр «Саҥа тыын» каучсерфердар түмсүүтэ…