ВЭФ-2024: Горнай урбаанньытара Илиҥҥи экэнэмиичэскэй пуорумҥа кытталлар

Бу күннэргэ  Владивосток куоракка тохсус төгүлүн ыытыллар, Илиҥҥи экэнэмиичэскэй пуорумҥа   Горнай улууһун урбаанньыттара эмиэ кытталлар.

Ол курдук, урбаанньыт ыал Александр, Елизавета Агеевтар  дойду таһымнаах тэрээһиҥҥэ кыттар чиэскэ тигистилэр. Агеевтар дьиэ кэргэн
«Маатта» сынньалаҥ базатын тэрийэн үлэлэппиттэрэ үһүс сыла буолла. Бэҕэһээ пуорум чэрчитинэн, «Уһук илиҥҥи гектар: сири норуокка» диэн  урбааҥҥа, туризмҥа, тыа хаһаайыстыбатыгар туһуламмыт сиэссийэҕэ Елизавета Агеева спикер быһыытынан кыттан,  дьиэ кэргэн улууска туризмы сайыннарыыга туһуламмыт дьиэ  кэргэн  үлэтин ис хоһоонун  билиһиннэрдэ.

Бу туһунан Роман Дмитриев «Маатта сонуннара» телеграм-ханаалга иһитиннэрдэ.