Ил Дархан, бырабыыталыстыба пресс-сулууспата.
IX Илиҥҥи экэнэмиичэскэй пуорум Владивосток куоракка балаҕан ыйын 3 күнүттэн саҕаланна. Пуорум дьыалабыай бырагырааматыгар Саха сирин дэлэгээссийэтэ кыттар.
Экэниэмикэ министиэристибэтэ иһитиннэрбитинэн, өрөспүүбүлүкэ пуорумҥа 25 сөбүлэһиини түһэрсэр былааннаах. Бу сөбүлэһиилэринэн инвестиция уопсай кээмэйэ 160 миллиард солкуобайга тэҥнэһиэҕэ. Бырамыысыланнай эбийиэктэри тутууга, инфраструктура бырайыактарын олоххо киллэриигэ, эрэгийиэннэр икки ардыларынааҕы бииргэ үлэлэһиигэ сөбүлэһиилэр түһэрсиллиэхтэрэ. Онтон саамай бөдөҥнөрө — Найба муора пуордун, Тиихэй акыйааннааҕы тимир суолу тутуу, Өймөкөөҥҥө ититии систиэмэтин саҥардыы, «Синергия Арктики» бырайыагы кэҥэтии, Дьокуускай маастар-былаанын олоххо киллэрии, о.д.а.
Пуорумҥа үгэс курдук, өрөспүүбүлүкэ инвестиционнай кыаҕын көрдөрүөхтэрэ. Уһук Илин уулуссатыгар Саха сирин павильонугар инвест-бырайыактары билиһиннэриэхтэрэ. Ол иһигэр — Тиксии пуордугар Найба сэлиэнньэтигэр аныгылыы терминал, «Дьэлиҥдэ-Мохэ» сиринэн барар «Саха сирэ-Амур уобалаһа-Хэйлунцзян» норуоттар икки ардыларынааҕы тырааныспар көрүдүөрэ, о.д.а. бырайыактар бааллар.
Быйыл Илиҥҥи экэнэмиичэскэй пуорум тохсус төгүлүн ыытыллар. Балаҕан ыйын 3-6 күннэригэр Уһук Илиҥҥи федеральнай университет кампуһугар ыытыллар. Пуорум быйылгы девиһэ — «Дальний Восток-2030. Объединим усилия, создавая возможности».
Бу пуорумҥа кыттан, Саха сирэ урукку сылларга 900-тэн тахса миллиард солкуобай суумалаах 200-тэн тахса сөбүлэһиини түһэрсибитэ. Ол түмүгэр социальнай, инфраструктурнай, бырамыысыланнай эбийиэктэр, бүтүн микрооройуоннар тутуллаллар. «100 автобусов – к 100-летию ЯАССР» бырайыагынан оптуобустар саҥардыллыбыттара, Дьааҥыга Улахан күөл сэлиэнньэтигэр электро-ыстаансыйа тутуллубута.
Ил Дархан, бырабыыталыстыба пресс-сулууспата.
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…
Саха сирин киин улуустарын олохтоохторо чаҕылхай күннээх «дьахтар сайыныгар» астына сырыттахтарына, өрөспүүбүлүкэ сорох улуустарыгар маҥнайгы…
Өймөкөөн нэһилиэгэр айылҕа иэдээнигэр түбэспит олорор дьиэлэри чөлүгэр түһэриигэ Саха сирин үгүс улуустарыттан, Дьокуускайтан, араас…
Балаҕан ыйын 15 күнүгэр киэһэ хойут Ленскэйдээҕи быыһыыр-көрдүүр этэрээт быыһааччылара ойуурга муммут киһини буллулар. Киин…
Бүгүн, балаҕан ыйын 16 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
Бэҕэһээ, балаҕан ыйын 15 күнүгэр, Дьокуускай куорат Дзержинскай аатынан уулуссаҕа "Архыып" тохтобул туһаайытынан күөх уокка…