Хаартыска: СӨ Ил Дарханын уонна бырабыыталыстыбатын пресс-сулууспата
Бу күннэргэ Владивостокка IX Илиҥҥи экэнэмиичэскэй пуорум буола турар.
Илиҥҥи экэнэмиичэскэй пуорум 2024 чэрчитинэн ыытыллыбыт “Уһук Илиҥҥи уулусса” быыстапкаҕа эригийиэннэр туристическай кыахтарын, айылҕа уонна култуура араастарын көрдөрдүлэр. Быыстапкаларга улахан миэстэ айанньыттарга сынньалаҥ кыахтарын көрдөрүүгэ ананна. Уһук Илиҥҥи эрэгийиэннэр бары павильоннарыгар, ону тэҥэ РФ Уһук Илини уонна Арктиканы сайыннарыыга министиэристибэтин уонна Уһук Илини уонна Арктиканы сайыннарар корпорация “Уһук Илин устун бастыҥ айан иһин” Бүтүн Арассыыйатааҕы куонкурус туһунан билиһиннэрдилэр. Куонкурус көҕүлээччитинэн РФ бырабыыталыстыбатын бэрэссэдээтэлин солбуйааччыта – РФ бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ Юрий Трутнев.
“Уһук Илиҥҥи уулусса” быыстапка сүрүн түһүмэҕэр куонкурус бастакы сезонун кыайыылаахтарын видео-айаннара көрдөрүлүннэ, туристическай маршруттарынан хаартыскалар быыстапкалара аһылынна. СӨ урбаан миниистирэ Тимур Ханды Саха сирэ туристарга ураты айылҕатынан интэриэһи тардарын, ол иһигэр туруук таас хайалары, киэҥ-нэлэмэн өрүстэри уонна кырасыабай көстүүлээх айылҕаны, баай устуоруйаны билиһиннэрдэ. “Биһиги өрөспүүбүлүкэбит Хоту дойду ураты кэрэтин арыйар баҕалаахха барытыгар аһаҕас», — диэн Тимур Ханды бэлиэтээтэ.
Туристыы кэлиэн баҕалаахтарга Тымныы полюһа – Өймөкөөнү, Айылҕа национальнай пааркатын – Өлүөнэ очуостарын, алмаас түмэлин, национальнай бырааһынньыгы – ыһыаҕы уонна экстремальнай туризм араас көрүҥнэрин билиһиннэрдилэр.
Нидерландыга 12 киһи улахан супермаркеттан тоҥ сугуну атыылаһан сиэн баран А гепатитынан ыалдьыбыт. Дойду уопсастыбаннай…
"Пушкин каартатын" көмөтүнэн, тыһыынчанан оҕо култуура тэрилтэлэригэр сылдьар, кэрэҕэ кыттыһар кыахтаннылар. "Пушкин каартата" култуура, дьиэ…
2025 сылга уоппускаҕа барарга саамай табыгастаах ыйдарынан от ыйа уонна алтынньы буолаллар. Бу туһунан РИА-Сонуннарга…
2024 сыл тохсунньу 6-7 күннэригэр КНР Цицикар куоратыгар 4-с норуоттар икки ардыларынааҕы «Снежный журавль» бэстибээл-күрэс…
РФ Бырабыыталыстыбатыгар 2042 сылга диэри дойду энэргиэтикэҕэ эбийиэктэрин генеральнай схематын бигэргэттилэр. Докумуоҥҥа чуолаан РФ Судаарыстыбаннай…
Түөкүттэр оҕону да албынныылларын кэрэйбэттэр. Харчы харбаан ылар туһуттан тугунан барытынан олуйаллар-моһуйаллар. ИДьМ 2 №-дээх…