ВЭФ-2024: Путин Уһук Илиҥҥи уонна Арктика ипотекатыгар 2% бырыһыаны оннунан хаалларарга сорудахтаата

Судаарыстыба баһылыга пуорум пленарнай мунньаҕар Уһук Илиҥҥи уонна Арктика ипотекатыгар сылга 2% уларыппакка оннунан хаалларар туһунан  этии киллэрдэ.

“Бырабыыталыстыбаҕа маннык ипотека усулуобуйатын туһунан кэпсэтиилэр буолбуттарын билэбин. Бүтэһиктээх быһаарыы: Уһук Илиҥҥи уонна Арктика ипотекаларын ыстаапкатын уларыппакка, сылга 2% хаалларарга,”– диэн бэлиэтээтэ Владимир Путин. Ону тэҥэ, Арассыыйа бэрэсидьиэнэ кэлиҥҥи чыыһылынан, ол эбэтэр от ыйын 1 күнүттэн Уһук Илиҥҥи эрэгийиэннэргэ элбэх оҕолоох ыаллар ипотекаларын төлөөһүн төлөбүрүн биир мөлүйүөн солкуобайга диэри үрдэтэргэ сорудахтаата.