Хаартыска: Саина Титова, СИА
Владивостокка балаҕан ыйын 3 күнүгэр «Уһук Илин уулуссата» быыстапката Илиҥҥи экэнэмиичэскэй пуорум (ВЭФ) чэрчитинэн аһылынна.
Саха сирин павильона бу сырыыгы хотугу сир куйаас сайынын ойуулуур. Ыалдьыттары саха Алтана сэргэтэ ураты болҕомтону тарта. Экспозиция үс зонаҕа арахсар: сүрүн павильон, атыы-эргиэн быыстапката уонна сыана. Павильон киин эбийиэгинэн Алтан сэргэ буолла.
«Саха сирин павильона сайыҥҥы тиэмэҕэ ананар уонна хас да тематическай зонаҕа арахсар: инвестиционнай, туристическай уонна патриотическай. Манна дьон-сэргэ олус кэрэхсээн сылдьаллар. Ыалдьыттар VR-ачыкы көмөтүнэн ирбэт тоҥ саарыстыбатын кытта билсиэхтэрин сөп. Павильон сүрүн фишката – сэргэ, манна ыалдьыттар баҕа санааларын таайаллар», — диэн Саха сирин Конгресс-киинин кылаабынай исписэлииһэ Кристина Жиркова кэпсээтэ. Павильоҥҥа Саха сирин инвестиционнай бырайыактарын билиһиннэриитэ буолла. Олор ортолоругар Жатайдааҕы суудуна верфэтин сайыннарыы, Найбатааҕы муора пордун тутуута, о.д.а. Быыстапка зонатыгар ювелирнай уонна сувенирнай бородууксуйалары, эрэгийиэн брендтэрин билиһиннэрдилэр.
Быйыл Саха сирин култуурунай бырагыраамата Дьиэ кэргэн уонна Оҕо саас сылыгар ананар. Тыл этээччилэр ахсааннарыгар өрөспүүбүлүкэ ускуустубатын эйгэтигэр династиялар бэрэстэбиитэллэрэ кытталлар.
«Үгэс быһыытынан пуорумҥа архаичнай нүөмэрдэрин кытта араас култуурунай кэлэктииптэр кытталлар. Фольклор уонна этника мэлдьи биһиги павильоммут ыалдьыттарыгар болҕомтону тарда. Эстрада тыйаатырын солистара Клавдия уонна Герман Хатылаевтар норуот ырыатын, национальнай инструменнарга оонньууну көрдөрүөхтэрэ. Хомус түмэлэ маастар-кылаастары, оттон «Ситим» үҥкүү кэлэктиибэ көрөөччүлэри эмиэ үөрдүөҕэ. Култуурунай бырагыраама Дьиэ кэргэн уонна Оҕо саас сылыгар ананар. Саха сирин култууратын уонна ускуустубатын эйгэтин дьиэ кэргэттэрин династиялара тахсыахтара. Холобур, Опера уонна балет тыйаатырын артыыската Алисия Пак Посельскайдар улахан династияларын бэрэстэбиитэлэ буолар. Эбэтин уонна ийэтин үлэтин салгыыр», — диэн култуура миниистирин солбуйааччы Марина Силина кэпсээтэ.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…