ВЭФ-2024: Саха сирэ уонна Хабаровскай кыраай бииргэ үлэлиир хайысхаларын кэҥэтиэхтэрэ

Илиҥҥи экэнэмиичэскэй пуорумҥа Саха сирин уонна Хабаровскай кыраай бырабыыталыстыбалара эргиэн-экэнэмиичэскэй, научнай-тиэхиньиичэскэй, социальнай, култуурунай үлэлэһиигэ сөбүлэһии түһэристилэр. 

Докумуоҥҥа Ил Дархан Айсен Николаев уонна Хабаровскай кыраай губернаторын э.т. Дмитрий Демешин илии баттаатылар.

«Биһиги эрэгийиэннэрбит уруккуттан доҕордуу сыһыаннаахтар. Дойдубут бырамыысыланнай суверенитетын хааччыйар улахан бырайыактарынан бииргэ үлэлиибит. Уһук Илин уонна дойдубут сайдыытыгар туһуламмыт көҕүлээһиннэри олоххо киллэрэр эбээһинэстээхпит», — диэн Ил Дархан Айсен Николаев этэр.

Икки эрэгийиэн 2011 сыллаахха маннык сөбүлэһиини эмиэ түһэрсэн турардаах. Саҥа докумуон Хабаровскай кыраай көҕүлээһининэн баттанылынна. Манна чопчу ыйыллыбыт соруктардаах тэрээһиннэр былааннара саҥардылынна.