Хаартыска: www.sakha.gov.ru
Балаҕан ыйын 3 күнүгэр Владивостокка «ГТО оонньуулара» үһүс аһаҕас Уһук Илиҥҥи Куубага саҕаланна.
Күрэхтэһии Илиҥҥи экэнэмиичэскэй пуорум (ВЭФ) чэрчитинэн ыытыллар. Оонньууларга Уһук Илин федеральнай уокурук 11 хамаандата, ол иһигэр Саха сириттэн кытталлар. Бу туһунан СӨ Ил Дарханынан уонна Бырабыыталыстыбатын пресс-сулууспата суруйар.
«Саха сириттэн улахан дьон хамаандатыгар улуустарынан сүүмэрдиир күрэхтэһиилэри ааспыт алта бастыҥ спортсмен киирсэр. Русское арыыга оонньуу харбааһыҥҥа күрэхтэһииттэн саҕаланна. Бүгүн велотренажердарынан күрэх уонна 400 миэтэрэҕэ сүүрүү буолуохтаах. Финальнай күрэхтэһии балаҕан ыйын 8 күнүгэр «ГТО Арената» түһүлгэҕэ буолар, — диэн Саха сирин сүүмэрдэммит хамаандатын чилиэнэ Михаил Чупров кэпсээтэ. ВЭФ ыытыллар кэмигэр «Уһук Илин уулуссатыгар» «ГТО Арената» түһүлгэ тэрилиннэ. Владивостокка РФ субъектарын бастыҥ бэрэстэбиитэллэрэ, ону тэҥэ ГТО хас да төгүллээх кыайыылаахтара уонна призердара мустубуттар.
Санатан эттэххэ, ааспыт сылга субъектарынан улахан дьон хамаандаларын ортолоругар Сахалин уобалаһа кыайыылаах буолбута, оттон үөрэнээччилэр хамаандаларын ортолоругар Приморскай кыраай кыайбыта. Саха сирин хамаандата үһүс комплекска 4- с миэстэни ылбыта. Күрэхтэһиигэ 200- тэн тахса атлет кыттыбыта.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…