Хаартыска: www.dfo.gov.ru
Тохсус илиҥҥи экэнэмиичэскэй пуорумҥа 75 дойдуттан 7 тыһ. тахса киһи, ол иһигэр 16 тас дойдуттан кытынна.
5,4 трлн солк. уопсай суумаҕа 258 сөбүлэһиигэ илии баттаммыт. Бу аан дойдутааҕы былаһааккатын устуоруйаҕа саамай үрдүк көрдөрүүтэ буолар. Бу туһунан дойду Бырабыыталыстыбатын Бэрэссэдээтэлин солбуйааччы — РФ Бэрэсидьиэнин боломуочуйалаах бэрэстэбиитэлэ Юрий Трутнев пуорум түмүктэрин таһаарыыга иһитиннэрдэ.
«Быйылгы пуорум урукку рекорду куоһарда. Порумҥа быйыл 75 дойдуттан 7 тыһыынчаттан тахса киһи кытынна. Тэҥнээн көрдөххө ааспыт сылга 62 дойду кыттыбыта. Тэрээһин биир тутаах түгэнинэн илии баттааһыннаах сөбүлэһиилэр буолаллар. Манна эмиэ рекорд олохтонно: 5 трлн 395 млрд солк. уопсай суумаҕа 258 сөбүлэһиигэ илии баттанна», — диэтэ Юрий Трутнев. Кини пуорум кэмигэр Арассыыйа Бэрэсидьиэнэ Владимир Путин биэрбит сорудахтара толорулларыгар эрэннэрдэ. Ол иһигэр 2030 сылга диэри Уһук Илин уонна Арктика ипотеканан сыллааҕы ыстаапката 2% хаалыаҕа, урутаан сайдар аан дойдутааҕы территориятын (ТОР) бырагырааматын туолуутун түргэтэтиэхтэрэ, Уһук Илин уонна Арктика зонатын куораттара маастар-былааннарын олоххо киллэриигэ эбии 100 млрд солк. ылыахтара, «Байкал» сөмөлүөт тутуохтара, 2030 сылга диэри энергиянан хааччыйыы бырагырааматын оҥоруохтара.
«Илиҥҥи экэнэмиичэскэй пуорумҥа сайдыылаах дойдулар былаас уонна биисинэс уорганнарын бэрэстэбиитэллэрэ кытталлар, кинилэр Азия-Тиихэй акыйаан эрэгийиэнэ аан дойду стратегическай суолталаах буолар сөптөөҕүн өйдүүллэр, — диэтэ Юрий Трутнев.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…