Хаартыска: Ил Дархан уонна СӨ Бырабыыталыстыбатын пресс-сулууспата.
Арассыыйа бэрэсидьиэнэ Владимир Путин Владивостокка Уһук Илин сайдыытын түмүктэрин кытта билистэ уонна Саха сирэ Хабаровскай кыраайы кытта ситимнэһэр саҥа эбийиэктэрин, ол иһигэр Чуумпу акыйаан тимир суолун арыллыытыгар куйаар ситиминэн кытынна.
Бастакы 531 км уһуннаах чааһынай тимир суол болдьоҕун иннинэ икки сыл иһигэр тутуллубута. Саха сирэ уонна Хабаровскай кыраай аан бастакытын быһа тырааныспар сибээһинэн туһанар кыахтаннылар. Элгэтээҕи чох сирин Охотскай муора кытылыгар баар Манорскай тумул аттыгар баар муора чох терминалын кытта ситимниир. Чуумпу акыйаан тимир суолун тутуутугар өрөспүүбүлүкэ араас муннугуттан 4 тыһыынчаттан тахса киһи кытынна. Тимир суол кыамтата — сылга Элгэтээҕи чох хостуур сиртэн 50 мөлүйүөн туоннаҕа диэри таас чох таһыллыаҕа.
Транссибиирдээҕи тимир суолу уонна Байкал-Амур магистральнай лиинийэтин кытта ТЖД Арассыыйаҕа үһүс сүрүн тимир суол хорук тымырынан буолар. Охотскай муора кытылыгар альтернативнай суолу биэрэн, Байкал-Амур магистраль лиинийэтин, Сибиир уонна Уһук Илиҥҥи логистическай көрүдүөр куонтурун толоруоҕа. Саҥа трасса Саха сирэ уонна Хабаровскай кыраай экэнэмиичэскэй сайдыыларыгар туһаайыллыбыт саҥа кыаҕы арыйыаҕа.
Ил Дархан Айсен Николаев Чуумпу акыйаан тимир суолун үлэҕэ киллэрии бүтүн дойдуга улахан суолталаах түгэн буоларын эттэ. Ол чох бырамыысыланнаһыгар эрэ буолбакка, Уһук Илин экэниэмикэтигэр, ол иһигэр Саха Өрөспүүбүлүкэтигэр, күүстээх хамсааһыны таһаарыаҕын бэлиэтээтэ. “Саха сирэ дойду үрдүнэн чоҕу хостооһуҥҥа иккис миэстэҕэ таҕыста. Сэттэ сыллааҕыта, 2018 сыллаахха 18 мөлүйүөн туонна чох хостонор эбит буоллаҕына, ааспыт сыл бүтүүтүгэр чоҕу хостооһун 49,4 мөлүйүөн туоннаҕа тэҥнэстэ. Быйыл бу көрдөрүү 52 мөлүйүөн туоннаҕа тиийэрэ былааннанар”, — диэтэ Айсен Николаев.
«Быйыл төрүттэммитэ 50 сылын туолар кыһыл көмүс үбүлүөйүн бэлиэтиир Саха сирин соҕуруу куората Нерюнгри устуоруйатыгар саҥа сүүрээн саҕылынна. Өрөспүүбүлүкэбит сир аннынааҕы баайа биһиги улуу судаарыстыбабыт хаһаайыстыбаннай кыаҕын сайдыытыгар сулууспалыырынан киэн туттабыт», — диэн бэлиэтээтэ Ил Дархан Айсен Николаев.
ВЭФ-2025: Чуумпу акыйаан тимир суолун куйаар ситиминэн астылар
Сиһилии: https://www.sakha.gov.ru/news/11214
Булуҥ улууһугар Өлүөнэ өрүһүнэн Быковскай — Дьокуускай хайысханан айаннаан испит «Залив» уонна «Быков мыс» диэн…
"ВОИН" кииҥҥэ үөрэммит, үрдүкү кылаас оҕолоро Арассыыйа эрэгийиэннэригэр баар үрдүк үөрэх кыһаларыгар туттарсар түгэннэригэр, эбии…
Полицияҕа куорат олохтооҕо кэлэн, Ленин проспегар турар массыынатын сиэркилэлэрин алдьаппыттарын туһунан иһитиннэрбит. Хоромньу быһа холоон…
Алтынньы ыйтан саҥа сокуон күүһүгэр киирдэ. Ол чэрчитинэн, эрэгийиэн иһинээҕи микрокирэдьиит хампаанньалара ипотека кирэдьиитин биэрэр…
«Чолбон» сурунаал алтынньытааҕы нүөмэригэр ааҕыҥ: - «Улуу Кыайыы айымньылара» рубрикаҕа Константин Эверстов штрафбакка түбэспит…
Оҕо оонньуур эбэтэр успуорт былаһааккатын, ону таһынан оскуола эбэтэр уһуйаан тиэргэнин иһигэр ыты күллэйдэппит ыт…