Хаартыска; Ил Дарзхан уонна СӨ бырабыыталыстыбатын пресс-сулууспата.
Балаҕан ыйын 3-6 күннэригэр Владивостокка ыытыллар Илиҥҥи экэнэмиичэскэй пуорум биисинэс-бырагыраамата анал официальнай саайтка бэчээттэннэ.
Быйылгы суолталаах тэрээһин сүрүн тиэмэтэ — «Уһук Илин: эйэ уонна кэскил туһугар бииргэ үлэлээһин». Тэрийээччи – Роскэнгириэс пуондата. «Быйыл Илиҥҥи экэнэмиичэскэй пуорум тэриллибитэ уон сылын туолар. Үгэс быһыытынан, пуорумҥа туох ситиһиллибитин түмүктүөхпүт, экэниэмикэ сайдыытыгар уонна Уһук Илин олохтоохторун олохторун хаачыстыбатын тупсарыыга өссө ханнык мэхэньиисимнэр оҥоһуллуохтарын наадатын ырытыахпыт, ону тэҥэ уһун болдьохтоох былааннары туруоруохпут. Уһук Илиҥҥи социальнай-экэнэмиичэскэй сайдыы түргэтииригэр Арассыыйа бэрэсидьиэнэ Владимир Путин өйөбүлэ сүҥкэн. Кини макрорегион иннигэр турар соруктары инники күөҥҥэ тутар. Биһиги үгэс быһыытынан пуорумҥа тас дойдулартан кэлэр партнердарбытын кэтэһэбит уонна кинилэри кытта бииргэ үлэлээһини бөҕөргөтөргө бэлэммит”, — диэтэ РФ Бырабыыталыстыбатын бэрэссэдээтэлин солбуйааччыта – РФ Бэрэсидьиэнин Уһук Илиҥҥэ федеральнай уокурукка боломуочуйалаах бэрэстэбиитэлэ, Илиҥҥи экэнэмиичэскэй пуорум тэрийэр кэмитиэтин бэрэссэдээтэлэ Юрий Трутнев.
Илиҥҥи экэнэмиичэскэй пуорум 2025 сыллааҕы дьыалабыай тэрээһиннэрэ алта анал тиэмэлээх түһүмэхтэргэ арахсаллар: “Уһук Илин – олох уонна сайдыы территорията”, “Сайдыы олуга: инвестициялар, саҥаны айыы, интеграция”, “Бэйэ-бэйэҕэ туһалаахтык уонна аһаҕастык бииргэ үлэлээһин – туруктаах буолуу төрүтэ”, “Технологияттан экэниэмикэҕэ диэри”, “Куорат — дьон олоҕор” уонна “Сайдыы олуга: логистика экэниэмикэни уларытар”.
Сиһилии билсэр сигэ: https://www.sakha.gov.ru/news/10747
Бүгүн, олунньу 12 күнүгэр, өрөспүүбүлүкэ баһыйар үгүс өттүгэр хаар түһүөҕэ. Булуҥ, Анаабыр оройуоннарыгар сорох сиринэн …
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…