Хаартыска: ЯСИА
Илиҥҥи экэнэмиичэскэй пуорум былаһааккатыгар СӨ Бырабыыталыстыбатын, «Якутия» авиахампаанньа» АУ уонна «Эльгауголь» ХЭУ ыккардыларыгар бииргэ үлэлиир туһунан сөбүлэҥ түһэрсилиннэ. Докумуоҥҥа СӨ Ил Дархана Айсен Николаев, «Эльгауголь» ХЭУ генеральнай дириэктэрэ Александр Исаев уонна «Якутия» авиахампаанньа» АУ генеральнай дириэктэрэ Владимир Николаев илии баттаатылар, диэн sakha.gov.ru иһитиннэрэр.
««Эльгауголь» бырайыага – дойду үрдүнэн биир саамай бөдөҥ бырайыак. Ситиһиилээх үлэтэ үксүгэр бигэ туруктаах тырааныспар логистикатыттан тутулуктаах. Илии баттаммыт сөбүлэҥ «Эльгауголь» ХЭУ үлэһиттэрин салгын аалынан таһыыны кэҥэтэргэ, «Якутия» авиахампаанньа бигэ туруктаах чартернай бырагырааматын хааччыйарга уонна эрэгийиэн салгын тырааныспарын инфраструктуратын сайдыытын өйүүргэ кыах биэриэҕэ», – диэн СӨ Ил Дархана Айсен Николаев бэлиэтээтэ.
Билиҥҥи туругунан «Якутия» авиахампаанньа «Эльгауголь» ХЭУ үлэһиттэрин сиртэн хостонор баайдаах сиргэ таһар сүрүн хампаанньанан буолар. Сөбүлэҥ бигэргэтиллибит чартернай рейстэр ахсааннарын элбэтэргэ көмөлөһүөҕэ. Ол «Якутия» авиахампаанньа» АУ сыллааҕы киирэр үбүн – сабаҕалааһынынан 2 млрд солкуобайга диэри улаатыннарыа, төлүүр кыаҕын үрдэтиэ, табаарынан хааччыйааччылары кытта хардарыта сибээһи туруктаах оҥоруо. Маны таһынан, Саха сирин салгын тырааныспарын инфраструктуратын сүрүн тэрилтэлэрин: «Якутия» аэропорт уонна «Аэропорты Севера» ФКП үптэрин-харчыларын балаһыанньатын бөҕөргөтүөҕэ. Докумуон «Эльгауголь» үлэһиттэригэр эрэллээх уонна мэлдьи үлэлиир тырааныспар логистикатынан хааччыйыа, бөдөҥ бырамыысыланнас бырайыагын бигэ туруктаах үлэтигэр уонна эрэгийиэн социальнай-экэнэмиичэскэй сайдыытыгар көмөлөһүөҕэ.
Ньурба улууһун дэлэгээссийэтэ Запорожье уобалаһыгар саха норуотун ытык бэлиэтин – алгыстаах сэргэни туруоран, ийэ дойдуну…
Хайа боруодата Өймөкөөн оройуонугар баар рудникка сиҥнибит. Быһылаан түмүгэр биир киһи эмсэҕэлээбит, диэн балаҕан ыйын 4…
Дьокуускайга Улуу Кыайыы 80 сылыгар анаммыт «Кыайыы сиренэ» аахсыйа ыытылынна. Сайсары күөл тупсарыллыбыт набережнайыгар 80…
Илиҥҥи экэнэмиичэскэй пуорумҥа «Экстра Синема» хампаанньа генеральнай дириэктэрэ Петр Чиряев Непал Инвестиционнай сэбиэтин сүрүн толорооччу…
Үөһээ Бүлүү улууһун Тамалакаан нэһилиэгин олохтоохторун өр сыллааҕы баҕа санаалара туолан, Олохтоох көҕүлээһиннэри өйүүр бырагыраама…
Күһүн тоҕо киһи настырыанньата түһэрий? Ардах, силбик, ону кытта тымныы түһүүтэ, күн көрөөһүнүн аччааһына киһи…