Хаартыска: Андрей Сорокин, ЯСИА
Илиҥҥи экэнэмиичэскэй пуорумҥа СӨ Ил Дархана Айсен Николаев уонна Иннокентий Сибиряков аатынан пуонда бэрэссэдээтэлэ Дмитрий Толоконников дьиэ кэргэни өйөөһүҥҥэ күүстэрин түмэр туһунан сөбүлэҥҥэ илии баттастылар. Бу туһунан sakha.gov.ru иһитиннэрэр.
Сөбүлэҥ чэрчитинэн оҕолоох дьиэ кэргэттэри өйүүр тиһиги тупсарарга туһуламмыт бырайыактар, ол иһигэр үөрэтэр бырагыраамалар, иһитиннэрэр-сырдатар хампаанньалар, «эппиэтинэстээх төрөппүт буолууну» иҥэрии курдук бииргэ олоххо киллэриллэр үлэлэр ыытыллыахтара. Бу дьаһаллар өрөспүүбүлүкэ биир кэлим сайдыытыгар көмөлөһүөхтээхтэр.
2020 сылтан Саха сиригэр элбэх оҕолоох ыал ахсаана 10% улаатан, 34,6 тыһыынчаттан таҕыста. Ааспыт сылга күн сирин көрбүт кырачааннар 44%-нара дьиэ кэргэҥҥэ үһүс уонна онтон кэлэр оҕолорунан буоллулар. 2024 сыл түмүгүнэн, өрөспүүбүлүкэ нэһилиэнньэ үүнүүтүн тэтиминэн дойду үрдүнэн 12-с миэстэни, оттон оҕо төрөөһүнүнэн Уһук Илин федеральнай уокурукка бастакы, дойдуга 10-с миэстэни ылар.
Иннокентий Сибиряков аатынан пуонда Арассыыйа биллиилээх аһымал үтүөнү оҥорооччутун, уопсастыбаннай диэйэтэл чиэһигэр тэриллибитэ. Пуонда үгэс буолбут дьиэ кэргэн сыаннастарын харыстыыр, аҕа, ийэ буолууну уонна оҕо сааһы көмүскүүр, ону сэргэ оҕо күүтэр дьахталлары өйүүр уонна оҕо төрүөн иннинээҕи олоҕун харыстыыр сыаллаах-соруктаах үлэлиир.
Ньурба улууһун дэлэгээссийэтэ Запорожье уобалаһыгар саха норуотун ытык бэлиэтин – алгыстаах сэргэни туруоран, ийэ дойдуну…
Хайа боруодата Өймөкөөн оройуонугар баар рудникка сиҥнибит. Быһылаан түмүгэр биир киһи эмсэҕэлээбит, диэн балаҕан ыйын 4…
Дьокуускайга Улуу Кыайыы 80 сылыгар анаммыт «Кыайыы сиренэ» аахсыйа ыытылынна. Сайсары күөл тупсарыллыбыт набережнайыгар 80…
Илиҥҥи экэнэмиичэскэй пуорумҥа «Экстра Синема» хампаанньа генеральнай дириэктэрэ Петр Чиряев Непал Инвестиционнай сэбиэтин сүрүн толорооччу…
Үөһээ Бүлүү улууһун Тамалакаан нэһилиэгин олохтоохторун өр сыллааҕы баҕа санаалара туолан, Олохтоох көҕүлээһиннэри өйүүр бырагыраама…
Күһүн тоҕо киһи настырыанньата түһэрий? Ардах, силбик, ону кытта тымныы түһүүтэ, күн көрөөһүнүн аччааһына киһи…