ВЭФ-2025: инвестицияҕа, технологияҕа туһаайыллар аан дойду таһымнаах пуорум

Официальнай саайтка балаҕан ыйын 3-6 күннэригэр Владивостокка буолуохтаах Илиҥҥи экэнэмиичэскэй пуорум-2025 дьыалабыай бырагыраамата тахсыбыт. ВЭФ сүрүн тиэмэтэ: «Уһук Илин – эйэ уонна чэчирии туһугар». Тэрийээччи – Росконгресс пуонда.

“Быйыл Илиҥҥи экэнэмиичэскэй пуорум онус төгүлүн ыытыллар. Үгэс быһыытынан пуорумҥа туох ситиһиллибитин туһунан түмүгү таһаарыахпыт, экэниэмикэ сайдыытыгар уонна Уһук Илин уокурук дьонун олоҕун хаачыстыбатын тупсарыыга өссө ханнык мэхэниисимнэр баалларын ырытыһыахпыт, ону тэҥэ, уһун, кэскиллээх былааннары торумнуохпут.

Үгэс быһыытынан, пуорумҥа тас дойдулартан бииргэ үлэлэһэр дьоммутун  кэтэһэбит, салгыы түмсүүбүтүн бөҕөргөтөргө бэлэммит” – диэн РФ Бырабыыталыстыбатын бэрэссэдээтэлин солбуйааччы — РФ Бэрэсидьиэнин Уһук Илиҥҥэ боломуочуйалаах бэрэстиибэтэлэ Юрий Трутнев эттэ.

ВЭФ-2025 дьыалабыай тэрээһиннэрин тиэмэлэринэн алта блокка араарбыттар: “Уһук Илин – олох уонна сайдыы сирэ”, «Үүнүү көрүҥнэрэ: инвестиция, инновация, интеграция», «Аһаҕас буолуу уонна хардарыта табыгастаах бииргэ үлэлэһии – бигэ турук тирэҕэ», «Технологиялар: теорияттан  экэнэмиичэскэй көдьүүскэ», «Куораттар – дьон олоҕун туһугар» уонна «Үүнүү суоллара: логистика экэниэмикэни хайдах уларытара».

Сиһилии манна ааҕыҥ.