Хаартыска: А.Сорокин (ЯСИА)
Ozon хампаанньа өрөспүүбүлүкэ былаастарын өйөбүлүнэн, логистика инфраструктуратын сайыннарарга эрэгийиэҥҥэ 2,5 миллиартан тахса солкуобайы инвестицияларга угарга торумнуур.
Онуоха Илиҥҥи экэнэмиичэскэй пуорумҥа Саха Өрөспүүбүлүкэтин баһылыга Айсен Николаев, Ozon судаарыстыбаннай былаас уорганнарын кытары хардарыта бииргэ үлэлээһиҥҥэ вице-бэрэсидьиэнэ Дмитрий Ким уонна Хотугу логистика хампаанньатын тэрийээччи Константин Лукьянов Сөбүлэһиигэ илии баттаатылар. Докумуон Дьокуускайга саҥа Фулфилмент-киини тутарга ыытыллар.
Логистика эбийиэгэ 2027 сылга үлэҕэ киллэрилиннэҕинэ, күн аайы 480 тыһыынчаттан тахса сакааһы киллэриэн, оттон 40 тыһыынча квадратнай миэтэрэ иэннээх былаһааккаҕа 17 мөлүйүөнтэн тахса табаар батыан сөп. Бырайыакка уопсай инвестиция – 8,5 миллиартан тахса солкуобай.
«Биһиги логистика инфраструктурата сайдыытын өйүүбүт. Бөдөҥ киини тэрийии Саха сирин олохтоохторо сөптөөх сыанаҕа табаары ылар кыахтаналларыгар уонна үлэ миэстэлэрин таһаарарга көмөлөһүөҕэ. Ол дьон олоҕун хаачыстыбатын үрдэтиигэ көмөлөөх. Ozon биһиги олохтоох урбаанньыттарбыт бородууксуйаларын батарыыны, хампаанньа биһиги өрөспүүбүлүкэбитигэр дьоҕус уонна орто биисинэс сайдыытын көҕүлүүр”, — диэтэ Айсен Николаев.
СӨ Ил Дарханын уонна бырабыыталыстыбатын пресс-сулууспата
Таатта улууһун борокуратуурата Кыйа сэлиэнньэтин 38 саастаах олохтооҕор сыһыаннаан холуобунай дьыалатыгар судаарыстыбаннай буруйдааһынын өйөөтө. Кини…
Саха сиригэр сыл аайы ыытыллар «Норуот участковайа» Бүтүн Арассыыйатааҕы күрэх иккис эрэгийиэннээҕи түһүмэҕин түмүгүн таһаардылар.…
Хаандыгатааҕы Оҕо айымньытын киинигэр иитиллээччилэр байыаннай дьайыы кыттыылааҕа Гаврил Наумовы кытта көрүстүлэр, диэн www.sakha.gov.ru иһитиннэрэр.…
«Бүгүн биһиги улуу ууһу, худуоһунньугу уонна мындыр толкуйдааҕы, Саха сирин духуобунай устуоруйатыгар аата-суола үйэлэргэ киирбит…
Е-Якутия порталга «”Забота” байыаннай сулууспалаах дьиэ кэргэнин пааспара» өҥө саҥаттан таһаарыыта үлэҕэ киирбитин туһунан СӨ…
Байыаннай дьайыыга сылдьар уолаттарга наадалаах таҥаһы тигии салҕанар. [gallery ids="248668,248669"] Алтынньыга Кэбээйи улууһун Куокуй нэһилиэгин…