Хаартыска: ЯСИА
Илиҥҥи экэнмиичэскэй пуорум кэмигэр СӨ Ил Дархана Айсен Николаев «Полюс» ПАУо генеральнай дириэктэрэ Алексей Востоковы кытта көрсүһүүтүгэр өрөспүүбүлүкэ социальнай-экэнэмиичэскэй сайдыытыгар бииргэ үлэлэһэр туһунан сөбүлэһиинэн көрүллүбүт дьаһаллары олоххо киллэриини дьүүллэстилэр. Бу туһунан sakha.gov.ru иһитиннэрэр.
Алексей Востоков бэлиэтээбитинэн, хампаанньа чугастааҕы сылларга Алдан улууһугар хас да социальнай бырайыагы олоххо киллэриини өйүүргэ этии киллэрдэ. Кинилэр ортолоругар: Алдан куоракка Устуоруйаны уонна кыраайы үөрэтэр түмэл дьиэтин тутуу, Кутана сэлиэнньэтигэр Элбэх хайысхалаах социальнай-култуурунай киинин, Хатыыстыыр сэлиэнньэтигэр Эбэҥки култууратын киинин, «Металлург» култуура дыбарыаһыгар киинэ тыйаатырын, ону таһынан Аллараа Кураанах бөһүөлэгэр «Металлург» култуура уонна сынньалаҥ пааркатын тупсарыы. Ону таһынан, Саха Өрөспүүбүлүкэтин, Бурятия Өрөспүүбүлүкэтин уонна Иркутскай уобалас сирдэринэн ааһар «Иркутскай – Таксимо – Кропоткин – Ленскэй – Мииринэй» суол бырайыагын туһунан кэпсэттилэр. РФ Тырааныспарын министиэристибэтэ «Полюс» ПАУо-ну кытта бырайыагы оҥорор былааннаах.
«Хампаанньа Саха сирин сайдыытыгар киллэрэр кылаатын үрдүктүк сыаналыыбыт. Бүддьүөккэ нолуок төлүүрүнэн эрэ муҥурдаммакка, социальнай суолталаах бырайыактары олоххо киллэрэр. Саҥа суол Саха сирин арҕаа өттүн Иркутскай уобалас уонна Бурятия Өрөспүүбүлүкэтин сирдэригэр баар тимир суол сайдыылаах инфраструктуратын кытта ситимниэҕэ. Бу инфраструктура Арҕаа Европаны Азия-Чуумпу акыйаан эрэгийиэнин кытта ситимниир сүрүн тырааныспар көрүдүөрүн быһа охсуутугар сытар. Тимир суол ситимигэр тахсыы өрөспүүбүлүкэ салгыы экэнэмиичэскэй сайдыытыгар уонна инвестицияны тардар кыаҕын үрдэтиигэ саҥа кыахтары арыйыаҕа», – диэн Айсен Николаев эттэ.
Санатан эттэххэ, быйыл муус устар ыйыгар Саха Өрөспүүбүлүкэтин уонна «Полюс» ПАУо-ну кытта Саха Өрөспүүбүлүкэтин, ол иһигэр Алдан улууһун, социальнай-экэнэмиичэскэй сайдыытын эйгэтигэр бииргэ үлэлэһии туһунан сөбүлэһиигэ илии баттаммыта.
Соторутааҕыта Чүүйэҕэ Чоочо баай киэҥ нэлэмэн алааһыгар күүлэйгэ тиийэ сылдьан, бэрт сатабыллаах үлэ бэтэрээнин кытта…
Х Илиҥҥи экэнэмиичэскэй пуорумҥа 106 млрд солк. суумалаах 27 дуогабарга илии баттаммытын туһунан Ил Дархан…
Кытайга ыытыллыбыт ШОС саммитын кэнниттэн РФ бэрэсидьиэнэ Владимир Путин Владивостокка Х Илиҥҥи экэнэмиичэскэй пуорумҥа кэлэн,…
Бүлүү куоратын өрөгөйдөөх күнүн көрсө «Ыллыыр кумах» диэн дьон-сэргэ сөбүлээн сынньанар, толору тоҕуоруһар сирэ арылынна.…
Сунтаар улууһун Бордоҥ сэлиэнньэтигэр олорор, үлэлиир кэргэннии Мария уонна Василий Спиридоновтар ырыаларын истибэтэх, кинилэр талааннарыгар…
Сайыммыт элэс гынан аастаҕа түргэнин. Күһүммүт барахсан күлүмүрдээн кэлэ оҕуста. Күһүн от-мас хагдарыйар, айылҕа чуумпурар,…