Хаартыска: Росконгресс (SakhaGov)
Илиҥҥи экэнэмиичэскэй пуорум дьыалабыай бырагырааматын бастакы күнэ “Охсус уонна кыай” үгэс буолбут сүүрүүттэн саҕаланыаҕа. Пуорум кыттыылаахтара уонна Владивосток олохтоохторо Приморье океанариумун пааркатыгар биэс килэмиэтиргэ сүүрүөхтэрэ. Сүүрүүгэ регистрацияланыы тус кэбиниэккэ аһаҕас.
Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев бэлиэтээн эппитинэн, успуорт тэрээһиннэрэ пуорум дьоһуннаах сорҕотунан буолаллар.
«Успуорт бэйэни, тулууру уонна күүһү тургутарга эрэ көмөлөспөт. Күрэхтэһиилэр – бэйэ-бэйэҕэ көмөлөсүһүү, бэйэҕэ уонна бэйэҥ утарсааччыгар өйөбүл уонна ытыктабыл. Успуорт эт-сиин өттүнэн күүстээх буоларга көмөлөһөр уонна ситиһиигэ дьулууру бөҕөргөтөр. Ону таһынан успуорт дойдуга бэриниилээх буолууну кытары быһаччы ситимнээх. Пуорумҥа “Буойун” киин икки былаһаакката тэриллиэҕэ. Байыаннай-успуорт бэлэмнэниитэ уонна ыччаты дойдуга бэриниилээх буола иитии киинэ Арассыыйа бэрэсэдьиэнин сорудаҕынан тэриллибитэ. Уһук Илин эрэгийиэннэрэ успуорка бэйэлэрин атын бырагыраамаларын “Уһук Илин уулуссата” быыстапкаҕа бэлэмнээтилэр”, — диэн Юрий Трутнев бэлиэтээн эттэ.
Успуорт бырагырааматыгар следж-хоккейга “Биһиги кэммит дьоруойдарын кубога” Бүтүн Арассыыйатааҕы күрэхтэһиилэр киирдилэр. Ханты-Мансийскайга ыытыллыбыт Дойдуну көмүскээччилэр кубоктарын алта бастыҥ хамаандата кыайыы иһин кыттыаҕа. Онон байыаннай эпэрээссийэ бэтэрээннэрэ састааптаах хамаандалар мууска тахсыахтара.
“Успуорт адаптивнай көрүҥнэрин турнира ВЭФ успуорка бырагырааматыгар аан бастаан киллэрилиннэ. Следж-хоккей байыаннай дьайыы дьоруойдара социальнай адаптацияны ааһалларыгар успуорт көмөтүн холобурунан буолар”, — диэн Арассыыйа бэрэсидьиэнин сүбэһитэ, ВЭФ бэлэмнэниигэ уонна ыытыыга тэрийэр кэмитиэтин эппиэттээх сэкирэтээрэ Антон Кобяков иһитиннэрдэ.
Оонньуулар бырагыраамаларын Росконгресс пуондата Арассыыйа Успуорка министиэристибэтин, Арассыыйа федерацияларын уонна Арассыыйа Паралимпийска кэмитиэтин кытары бииргэ оҥордо.
ВЭФ успуорка биир чаҕылхай түнэнинэн парустар IV параадтара буолуоҕа.
ВЭФ успуорка түгэннэрин туһунан сонуннары t.me/Sport_Roscongress билсиэххэ сөп.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Ульяна Захарова "Кэрэмэс" кэпсээтин истиҥ. …
Ньурба улууһуттан төрүттээх суруналыыс, ырыаһыт, СӨ Суруналыыстарын сойууһун «Кыһыл көмүс микрофон» бириэмийэтин хаһаайына, СӨ тэлэбиидэнньэтин…
Бааска куораттаан иһэр. Ол аайы мээнэ киирэр-тахсар дьону ылбата, онно-манна тастаран киһи бириэмэтин сииллэр. Кинилэр…
2025 сыл бастыҥ спортсменынан тустуук Лев Павловы саарбахтаабакка ааттыыбыт. Ахсынньыга ыытыллыбыт Чөмпүйүөннэр баалларыгар “Сыл бастыҥ…
Куйаар ситиминэн «Санаа быраас» диэн илии баттааһыннаах тэттик суруйуулар кэлэр буолбуттара балай да кэм буолла.…
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…