ВЭФ-2025: Саха сирэ 27 сөбүлэһиигэ илии баттаста

Х Илиҥҥи экэнэмиичэскэй пуорумҥа 106 млрд солк. суумалаах 27 дуогабарга илии баттаммытын туһунан Ил Дархан Айсен Николаев иһитиннэрдэ.   

“Биһиги манна 27 сөбүлэһиигэ илии баттаһар былааннаах кэлбиппит, ол барыта 100% туолла. Инвестиция уопсай суумата 106 млрд. солкуобайга тэҥнэстэ. Үгүс сөбүлэһии үбүлээһинэ суох эрээрилэр, олус наадалаахтар. Холобур, Саха сиригэр ахсаан, физика 100 кылааһын арыйар былааннаах Физтех-оскуолалары сайыннарар Пуонданы кытта сөбүлэһиигэ илии баттастыбыт. Бу үөрэх хаачыстыбатын үрдэтэр сыаллаах. Өссө биир дьоһуннаах бырайыагынан, Ozon уонна Wildberries маркетплейстэри кытта илии баттаһыы буолар. Арассыыйа бөдөҥ корпорациялара манна бэйэлэрин логистическай кииннэрин тутуохтара”, — диэтэ Айсен Николаев.