Хаартыска: sakha.gov.ru
Илиҥҥи экэнэмиичэскэй пуорум былаһааккатыгар СӨ Бырабыыталыстыбата уонна дойдуга Кытай урбаанньыттарын сойууһа бииргэ үлэлиир туһунан сөбүлэҥ түһэристилэр. Докумуоҥҥа Ил Дархан Айсен Николаев уонна Сойуус бэрэссэдээтэлэ Чжоу Лицюнь илии баттаатылар. Бу туһунан sakha.gov.ru суруйар.
Өрүттэр араас эйгэлэргэ бииргэ оҥорор бырайыактары тарҕатар уонна олоххо киллэрэр, ону таһынан дьоҕус уонна орто биисинэһи өйүүргэ эбии усулуобуйалары тэрийэр сыалтан Саха сирин сиригэр-уотугар атыы-эргиэн-экэнэмиичэскэй уонна инвестиционнай бииргэ үлэлээһини сайыннарар былааннаахтар. Дойдуга Кытай урбаанньыттарын сойууһа дойдуга үлэлиир Кытай биисинэстэрин түмэр уонна өйүүр сыалтан тэриллибит кэммиэрчэскэйэ суох тэрилтэ. Үлэтин сүрүн хайысхаларынан атыы-эргиэн, инвестиция, логистика, оҥорон таһаарыы уонна араас өҥөлөрү оҥоруу буолаллар. Сойуус сүрүн сыала – икки дойду ыккардыларыгар биисинэс-ситимнэри сайыннарыыга көмөлөһүү. Тэрилтэ бэйэтин чилиэннэригэр биисинэһи ыытыыга, ол иһигэр нолуок, таможня салайыытын уонна юридическай өттүнэн арыаллааһын боппуруостарыгар, консультациялары оҥорор.
Кытай Норуодунай Өрөспүүбүлүкэтэ Саха Өрөспүүбүлүкэтин тас эргиэҥҥэ сүрүн партнерунан буолар. Атыы-эргиэн-экэнэмиичэскэй уонна култуурунай-гуманитарнай эйгэлэргэ көхтөөх үлэ доҕордоһуу туһунан сөбүлэҥнэрдээх Хэйлунцзян уонна Цзянси провинцияларын кытта ыытыллар. Кытайы кытта доҕордоһуу ситимнэрин сайыннарыы хайысхатынан бииргэ үлэлээһин бөҕөргүүр. Бүгүҥҥү күҥҥэ Саха Өрөспүүбүлүкэтин 19 муниципальнай тэриллиитэ Хэйлунцзян, Цзилинь провинцияларыгар уонна Ис Монголия аптаныамыйалаах оройуонугар баар 23 куорат уокуругун уонна оройуоннарын кытта доҕордоһуу ситимнэрдээхтэр. Атыы-эргиэн-экэнэмиичэскэй бииргэ үлэлээһини сайыннарар сыалтан, 2024 сыллаахха «Саха Өрөспүүбүлүкэтин экспорын өйүүр киин» АТЭТ уонна «GLUZ» Кытай-Россия B2B-платформатын икки ардыларыгар сөбүлэҥҥэ илии баттаммыта.
GLUZ – Кытай уонна Арассыыйа икки ардыларыгар кыраныысса таһынааҕы бииргэ үлэлээһиҥҥэ анаммыт, ураты нолуок уонна таможня эрэсиимнээх Кытай бырамыысыланнаһын көҥүл эргиэн зонатыгар регистрацияламмыт, комплекснай сервиснэй-информационнай платформа. Ону таһынан, «Саха Өрөспүүбүлүкэтин Атыы-эргиэн-бырамыысыланнас балаатата» Сойуус уонна Хэйлунцзян провинциятын Кытай-Арассыыйа атыы-эргиэн-экэнэмиичэскэй уонна инвестиционнай балаататын икки ардыларыгар бииргэ үлэлээһин туһунан сөбүлэҥ түһэрсиллибитэ.
Ньурба улууһун дэлэгээссийэтэ Запорожье уобалаһыгар саха норуотун ытык бэлиэтин – алгыстаах сэргэни туруоран, ийэ дойдуну…
Хайа боруодата Өймөкөөн оройуонугар баар рудникка сиҥнибит. Быһылаан түмүгэр биир киһи эмсэҕэлээбит, диэн балаҕан ыйын 4…
Дьокуускайга Улуу Кыайыы 80 сылыгар анаммыт «Кыайыы сиренэ» аахсыйа ыытылынна. Сайсары күөл тупсарыллыбыт набережнайыгар 80…
Илиҥҥи экэнэмиичэскэй пуорумҥа «Экстра Синема» хампаанньа генеральнай дириэктэрэ Петр Чиряев Непал Инвестиционнай сэбиэтин сүрүн толорооччу…
Үөһээ Бүлүү улууһун Тамалакаан нэһилиэгин олохтоохторун өр сыллааҕы баҕа санаалара туолан, Олохтоох көҕүлээһиннэри өйүүр бырагыраама…
Күһүн тоҕо киһи настырыанньата түһэрий? Ардах, силбик, ону кытта тымныы түһүүтэ, күн көрөөһүнүн аччааһына киһи…