Хаартыска: sakha.gov.ru
Владивостокка буола турар Илиҥҥи экэнмиичэскэй пуорумҥа СӨ Бырабыыталыстыбата уонна Газпромбаан бииргэ үлэлиир туһунан сөбүлэһии түһэристилэр. Бу туһунан sakha.gov.ru иһитиннэрэр.
Докумуоҥҥа СӨ Ил Дархана Айсен Николаев уонна акционернай уопсастыба бастакы вице-бэрэсидьиэнэ Алексей Чичканов илии баттаатылар. Сөбүлэһии чэрчитинэн, өрүттэр Дьокуускай куорат сиригэр-уотугар «Аан дойдутааҕы Маамант киинэ» норуоттар икки ардыларынааҕы научнай-туристическай паарканы тэрийэргэ күүстэрин түмүөхтэрэ.
Аан дойдутааҕы Маамант киинэ – Арктика палеонтологиятын, генетикатын уонна килиимэтин эйгэтигэр чинчийиилэри ыытарга, ону таһынан туристическай уонна үөрэх инфраструктуратын сайыннарарга аналлаах ураты былаһаакканан буолар. Паарка норуоттар икки ардыларынааҕы бииргэ үлэлээһин уонна култуурунай атастаһыы научнай киининэн буолуоҕа. Бырайыак дойду Бэрэсидьиэнэ Владимир Путин бигэргэппит Дьокуускай куорат маастар-былааныгар киллэриллибитэ.
Сөбүлэһиигэ илии баттааһын бырайыагы көдьүүстээхтик уонна ситиһиилээхтик олоххо киллэрэргэ сөптөөх усулуобуйаны тэрийиэҕэ. Бу эрэгийиэҥҥэ инвестицияны тардарга, туристическай уонна научнай инфраструктураны сайыннарарга, ону тэҥэ Саха сирин экэниэмикэ көрдөрүүлэрин үрдэтэргэ кыах биэриэҕэ. Бу сөбүлэһии Саха сирин туристическай уонна научнай кыаҕын сайыннарыыга саҥа кэрдиис кэми бэлиэтиир, инвестицияларга уонна эрэгийиэн бигэ туруктаах сайдыытыгар киэҥ кыахтары арыйар.
Бүгүн, балаҕан ыйын 5 күнүгэр, Владивостокка Илиҥҥи экэнэмиичэскэй пуорум өрө көтөҕүллүүлээхтик, сэргэхтик ыытылынна. Суолталаах тэрээһин…
Дьокуускай пааркатыгар сааһын ситэ илик кыыска сокуоннайа суох дьайыы туһунан иһитиннэрии олоҕо суоҕа билиннэ. Балаҕан…
СӨ ОДьКХ уонна энэргиэтикэ миниистирэ Вячеслав Емельянов быһа эпииргэ Нерюнгри оройуонугар Чульман бөһүөлэгин сылааһынан хааччыйыы…
Сайыҥҥы сынньалаҥ бүтэн, үөрэх дьыла саҕаламмытынан, култуурунай олох күөстүү оргуйан барда. Ол курдук, Дьокуускайга Санкт-Петербуртан…
Биһиги, бииргэ үөрэммиттэр, төһө да сааһырбыппыт, бары атын-атын улууска, нэһилиэккэ олорбуппут иһин, сибээһи ыкса тутабыт. …
Арассыыйа Дьоруойдара Николай Соболев уонна Дмитрий Куценко "Дьоруойдар кэмнэрэ" каадыр бырагырааматын чэрчитинэн Илиҥҥи экэнэмиичэскэй пуорумҥа…