Хаартыска: Андрей Сорокин, ЯСИА
Балаҕан ыйын 3 күнүгэр онус Илиҥҥи экэнэмиичэскэй пуорумҥа СӨ Бырабыыталыстыбатын уонна «Россия – страна возможностей» бэрэсидьиэн платформатын ыккардыларыгар бииргэ үлэлиир «Суол каартата» баттанна. Докумуоҥҥа өрөспүүбүлүкэ премьер-миниистирэ Кирилл Бычков уонна платформа генеральнай дириэктэрин солбуйааччы Дмитрий Гужеля илии баттаатылар.
sakha.gov.ru иһитиннэрбитинэн, урут Саха сирэ уонна «Россия – страна возможностей» өрөспүүбүлүкэ олохтоохторо бэрэсидьиэн платформатын бырайыактарыгар уонна куонкурустарыгар өссө элбэхтик кытталларын туһугар бииргэ үлэлииргэ сөбүлэспиттэрэ. Өрүттэр талааннары булууга уонна өйөөһүҥҥэ мэхэньииһимнэри сайыннараллар, араас эйгэҕэ бастыҥ уопуттары тарҕатыыга көмөлөһөллөр.
«Биһиги Саха сирин хас биирдии олохтооҕун талаана арылларыгар усулуобуйаны тэрийиигэ ураты болҕомтобутун ууруохпут. Ол түмүгэр дьоммут бэйэлэрин кыахтарын манна, төрөөбүт дойдуларыгар толору туһанан, Уһук Илин уонна бүтүн дойду сайдыытыгар кылааттарын киллэриэхтэрэ. Бу хардыынан өрөспүүбүлүкэ ураты култуурунай кодун харыстыырга уонна каадыр кыаҕын бөҕөргөтөргө улахан суолталаах кылаатынан буолуоҕа», – диэн премьер-миниистир Кирилл Бычков бэлиэтээтэ.
Генеральнай дириэктэри солбуйааччы Дмитрий Гужеля иһитиннэрбитинэн, сэттэ сыл иһигэр Саха сирин олохтоохторуттан «Россия – страна возможностей» бэрэсидьиэн платформатын бырайыактарыгар, куонкурустарыгар уонна олимпиадаларыгар кыттарга 160 тыһыынчаттан тахса сайаапка киирбит.
«Быйыл бэрэсидьиэн платформатын бырайыактарын ахсааныгар «Мин идэм – ИТ» Бүтүн Арассыыйатааҕы куонкурус киирдэ. Инникитин биһиги атын эрэгийиэннэргэ олохтообут киһи хапытаалын кытта үлэлиир уоппуппутун Саха сиригэр эмиэ тарҕатар былааннаахпыт. Биһиги салгыы бииргэ үлэлээһиммит өрөспүүбүлүкэ каадырга резервэтин толорорго уонна олохтоохторо бэйэлэрин кыахтарын толору арыйалларыгар усулуобуйаны тэрийиигэ көмөлөһүөҕэ диэн эрэнэбин», – диэн Дмитрий Гужеля бэлиэтээтэ. Ону таһынан, Дьокуускайга М.К. Аммосов аатынан Хотугулуу-Илиҥҥи федеральнай университет баазатыгар «Россия – страна возможностей» платформатын компетенцияны сыаналыыр уонна сайыннарар киинэ үлэлиир. Бу киин дойдуга бастыҥнар ахсааннарыгар киирсэр. Маныаха майгынныыр киин Арктикатааҕы судаарыстыбаннай агротехнологическай университет баазатыгар эмиэ баар. Платформа бырайыактарын уонна куонкурустарын кыттыылаахтарын мунньаҕа сыл ахсын «Муус устар» ыччат бэстибээлин чэрчитинэн ыытыллар.
Ньурба улууһун дэлэгээссийэтэ Запорожье уобалаһыгар саха норуотун ытык бэлиэтин – алгыстаах сэргэни туруоран, ийэ дойдуну…
Хайа боруодата Өймөкөөн оройуонугар баар рудникка сиҥнибит. Быһылаан түмүгэр биир киһи эмсэҕэлээбит, диэн балаҕан ыйын 4…
Дьокуускайга Улуу Кыайыы 80 сылыгар анаммыт «Кыайыы сиренэ» аахсыйа ыытылынна. Сайсары күөл тупсарыллыбыт набережнайыгар 80…
Илиҥҥи экэнэмиичэскэй пуорумҥа «Экстра Синема» хампаанньа генеральнай дириэктэрэ Петр Чиряев Непал Инвестиционнай сэбиэтин сүрүн толорооччу…
Үөһээ Бүлүү улууһун Тамалакаан нэһилиэгин олохтоохторун өр сыллааҕы баҕа санаалара туолан, Олохтоох көҕүлээһиннэри өйүүр бырагыраама…
Күһүн тоҕо киһи настырыанньата түһэрий? Ардах, силбик, ону кытта тымныы түһүүтэ, күн көрөөһүнүн аччааһына киһи…