ВЭФ-2025: Саха сирэ уонна «Синергия» бииргэ үлэлиир кэскиллэрин дьүүллэстилэр

Онус Илиҥҥи экэнэмиичэскэй пуорум кэмигэр СӨ Бырабыыталыстыбата уонна «Синергия» корпорация байыаннайдьайыы бэтэрээннэрин хаттаан үөрэтии, гостеприимство индустриятыгар каадырдары бэлэмнээһин уонна оскуола оҕолоругар үөрэх бырайыактарын олоххо киллэриигэ бииргэ үлэлиир былааннары торумнаатылар. Бу туһунан sakha.gov.ru иһитиннэрэр.

Кэпсэтиигэ СӨ Бырабыыталыстыбатын бэрэссэдээтэлин солбуйааччы Анатолий Семенов уонна корпорация вице-бэрэсидьиэнэ Роман Кучерявый кытыннылар.

Анатолий Семенов Дьокуускайга «Синергия» цифровой идэлэр кэллиэһин ситиһиилээх үлэтин, программистары, веб-оҥорооччулары уонна дизайнердары бэлэмниирин бэлиэтээтэ. Оттон Роман Кучерявый өрөспүүбүлүкэ салалтатыгар оҥоһуллубут көмө иһин махталын биллэрдэ. Кэпсэтии сүрүн тиэмэтинэн бэтэрээннэри өйөөһүн буолла.

«Синергия» университет баазатыгар 2023 сыл ахсынньытыттан «Аҕа дойдуну көмүскээччилэр» пуонданы кытта бииргэ байыаннай дьайыы кыттыылаахтарын хаттаан үөрэтэр киин үлэлиир. Бырагыраама идэҕэ туһаайыыны, үөрэтиини уонна бэтэрээннэри, кинилэр дьиэ кэргэттэрин үлэҕэ киллэриигэ көмөлөһүүнү хабар. 2025 сыл бүтүүтэ бу бырагыраамаҕа 13 тыһыынчаттан тахса киһи кыттара  былааннанар. Өрүттэр бу хайысхаҕа бииргэ үлэни бөҕөргөтөргө сөбүлэстилэр. Ону таһынан, байыаннай дьайыы бэтэрээннэригэр «Мин биисинэһим» кииннэри кытта бииргэ олоххо киирэр урбааҥҥа аналлаах үөрэх бырагырааматын үлээлитэхтэрэ. Бырагыраама кыттааччыларыгар бырагыраама бэйэ дьыалатын арыйарга, ол иһигэр чэпчэтиилээх усулуобуйанан франшизанан үлэлииргэ кыах биэриэҕэ.

ДНӨ-гэр уонна ЛНӨ-гэр 100-тэн тахса бэтэрээни хаппыт ситиһиилээх пилотнай бырайыак ыытыллыбыта. Өрүттэр туризм сайдыытын кэскилин эмиэ ырыттылар. «Синергия» университет ресторатордар уонна отельердар федерацияларын кыттыытынан гостеприимство индустриятыгар анаан быраактыкаҕа туһуламмыт биир кэлим бырагыраамалары оҥорбут. Саха сиригэр наадалаах исписэлиистэри бэлэмниир эрэгийиэннээҕи киин тэриллиэн сөп. Бу өрөспүүбүлүкэ экэниэмикэтин сүрүн салааларыттан биирдэстэрин сайдыытыгар саҥа тыыны киллэриэҕэ. Бииргэ үлэлиир туспа хайысханан үүнэр көлүөнэни кытта үлэ буолуоҕа. Саха сирин оскуолаларын оҕолоро үөрэнээччилэр интэриэстэрин уонна сатабылларын ырытарга оҥоһуу өйү (ИИ) туһанар Synergy Start диэн идэҕэ туһаайар босхо платформаҕа киирэр кыахтаныахтара. Ону таһынан, «Синергия» онлайн-оскуолата эрэгийиэн эдэр олохтоохторугар программированиеҕа, 3D-моделированиеҕа, Оҥоһуу өйү кытта үлэҕэ уонна видеоконтент оҥоруутугар куурустары босхо ааһар кыаҕы биэриэҕэ.

Итини таһынан каадыр тиийбэтин быһаарар туһугар Саха сирин урбаанньыттарыгар тас дойдулартан исписэлиистэри тардар бырагырааманы этиннилэр. «Синергия» каадыры булар ааҕыныстыбата олоххо киллэрэр бырайыагын чэрчитинэн, 2024 сылга Африка уонна Азия дойдуларыттан тылы үөрэтэн, култуураҕа үөрэнэн кэлбит 500-кэ киһи дойду тэрилтэлэригэр үлэҕэ киирбитэ. Бу ньыма эрэгийиэн хампаанньаларыгар идэлээх үлэһиттэринэн вакансиялары сабарга көмөлөһүөҕэ.

«Үөрэх эйгэтин, бэтэрээннэри өйөөһүн, гостеприимство индустриятын уонна урбааны сайыннарыы – бу Саха сирин кэскиллээх сайдыытын кытта ыкса сибээстээх стратегическай хайысхалар. Биһиги бииргэ үлэлээһиммитигэр улахан кыаҕы көрөбүт уонна бииргэ оҥорор бырайыактарбыт эрэгийиэн олохтоохторугар уонна экэниэмикикэтигэр биллэр-көстөр түмүгү биэриэхтэрэ диэн эрэнэбит», – диэн «Синергия» корпорация бэрэсидьиэнэ Вадим Лобов бэлиэтээтэ.