Хаартыска: sakha.gov.ru
Илиҥҥи экэнэмиичэскэй пуорумҥа Саха сиригэр Алданнааҕы бырамыысыланнай кластеры тэрийэр инвестиционнай бырайыагы олоххо киллэрии туһунан сөбүлэһии түһэрсилиннэ. Бу туһунан sakha.gov.ru иһитиннэрэр.
Докумуоҥҥа СӨ Бырабыыталыстыбатын бэрэссэдээтэлэ Кирилл Бычков уонна Уһук Илин уонна Арктика сайдыытын корпорациятын (КРДВ) генеральнай дириэктэрэ Николай Запрягаев илии баттаатылар.
«Алданнааҕы бырамыысыланнай кластер – бу инвестбырайыактар комплекснай холбоһуктара. Инникитин экэниэмикэҕэ биллэр-көстөр үүнүүнү биэриэҕэ. Бырайыакка инвестиция уопсай кээмэйэ 535,3 млрд солк. тэҥнэһэр, эрэгийиэҥҥэ 16,7 тыһыынчаттан тахса саҥа үлэ миэстэтин тэрийии көрүллэр», — диэн РФ Бырабыыталыстыбатын бэрэссэдээтэлин солбуйааччыта – РФ Бэрэсидьиэнин Уһук Илин федеральнай уокуруктааҕы боломуочуйалаах бэрэстэбиитэлэ, Илиҥҥи экэнэмиичэскэй пуорум Тэрийэр кэмитиэтин бэрэссэдээтэлэ Юрий Трутнев эттэ.
Бырайыакка инвестиция уопсай кээмэйэ 535,3 млрд солкуобайга тэҥнэһэр, 16,7 тыһыынчаттан тахса саҥа үлэ миэстэтэ тахсыахтаах. Бырайыак чэрчитинэн Саха сирин Алдан улууһугар бырамыысыланнай инфраструктураны биир кэлимник сайыннарыы былааннанар, ол иһигэр БАМ-ҥа уонна Транссибкэ тахсар магистральнай гаас уонна ньиэп турбаларын, 220 кВ күүрүүлээх уот ситимин, массыына уонна тимир суолларын тутуута киирэр. СӨ Бырабыыталыстыбатын бэрэссэдээтэлэ Кирилл Бычков этэринэн: «Алданнааҕы бырамыысыланнай кластеры тэрийии – Саха сиригэр эрэ буолбакка, бүтүн Уһук Илин эрэгийиэнигэр стратегическай суолталаах бырайыак. Соҕуруу Саха сирин минеральнай-сырьевой баайын биир кэлимник туһаҕа таһаарарга, саҥа үрдүкү технологиялаах оҥорон таһаарыылары уонна тыһыынчанан үлэ миэстэтин тэрийэргэ кыах биэриэҕэ. Бу – бүтүн эрэгийиэн социальнай-экэнэмиичэскэй сайдыытыгар күүстээх тирэҕинэн буолар».
«Алданнааҕы кластер Уһук Илин инники сайдыыларын түөлбэлэригэр (ТОР) биир саамай бөдөҥ бырайыагынан буолуоҕа. КРДВ Саха сирин бырабыыталыстыбатын кытта кыттыһан инники сайдыытын түөлбэтин резиденэ статуһун ыларга көмөлөһүөҕэ. Ол инвестордарга араас чэпчэтиилэри туһанар кыаҕы биэриэҕэ», — диэн КРВД генеральнай дириэктэрэ Николай Запрягаев бэлиэтээтэ.
Таатта улууһун борокуратуурата «Төлөн» АУо үлэһиттэригэр хамнастарын кэмигэр төлөөбөтүнэн сибээстээн, үлэ сокуонун тутуһуутун бэрэбиэркэлээтэ. Бу…
Былырыын кулун тутар ыйыгар Чурапчы улууһун олохтооҕо интэриниэккэ харчыны үлэ биржатыгар уган үлүннэрии туһунан угуйугу…
Ааспыт нэдиэлэҕэ Дьокуускайга ыытыллыбыт аһымал кэнсиэр уонна хартыына аукционун түмүгүнэн ардах халааныттан эмсэҕэлээбит улуустарга көмөҕө…
Балаҕан ыйын 4 күнүгэр Илиҥҥи экэнэмиичэскэй пуорумҥа СӨ Бырабыыталыстыбатын, «Сахатранснефтегаз» АУо уонна «Уһук Илин уонна…
Саха Өрөспүүбүлүкэтин Үрдүкү суута полиция урукку начаалынньыгыттан уонна кини кэргэниттэн 11,9 мөл. солк. судаарыстыба суотугар…
Дьокуускайдааҕы куорат суута Дьокуускай куорат олохтооҕор РФ Холуобунай кодексатын 112-с уонна 117-с ыстатыйаларынан (доруобуйаҕа орто…