Хаартыска: sakha.gov.ru ылылынна
Илиҥҥи экэнэмиичэскэй пуорумҥа Саха сирин Бырабыыталыстыбата уонна «Газпромбанк» (АУо) улахан инвестиционнай бырайыактары олоххо киллэрии иитинэн бииргэ үлэлииргэ сөбүлэҥ түһэристилэр.
Сөбүлэһии сүрүн хайысхатынан «Алдан» хаһыйардьыттар, успуорт бу көрүҥүн сэргээччилэр дьарыктаналларыгар ананар куруортарын тутуу уонна туһаныы буолуоҕа. Бу көхтөөхтүк сынньанарга сылы эргиччи үлэлиир аныгы киин араас уустук суоллардаах, 250 нүөмэрдээх гостиницалаах, коттеджтардаах, спортивнай уонна аралдьытар сирдэрдээх буолара былааннанар. Бырайыак олоххо киириитэ кыһыҥҥы туризм сайдыытын, Арассыыйаҕа уонна тас өттүгэр итинник өҥөлөргө ирдэбил улаатан иһэринэн, көхтөөх олох-дьаһах култууратын үөскэтиини көҕүлүүр соруктаах.
—«Газпромбааны» кытта бииргэ үлэлээһин Саха сирэ туризмҥа үлэтин кэҥэтэрин таһынан, норуоттар икки ардыларынааҕы таһымҥа билиини-көрүүнү үрдэтэр бырайыактары олоххо киллэрэргэ кыаҕы биэриэҕэ. «Алдан» куруорт уонна «Аан дойдутааҕы сэлии киинэ» экэниэмикэ үүнүүтүн саҥа тирэхтэринэн буолуохтара уонна өрөспүүбүлүкэ олохтоохторо, ыалдьыттара сынньалаҥнарын туһалаахтык атаарыахтара, — СӨ Бырабыыталыстыбатын Бэрэссэдээтэлэ Кирилл Бычков бэлиэтээтэ.
Ону таһынан, сөбүлэһии «Аан дойдутааҕы сэлии киинэ» норуоттар икки ардыларынааҕы научнай-туристическай паарканы тэрийиини көрөр. Бырайыак 2030 сылга диэри Саха сирин агломерациятын социальнай-экэнэмиичэскэй сайдыытын уһун болдьохтоох былааныгар киллэриллибит.
Сиһилии: https://www.sakha.gov.ru/news/11220
СӨ Ил Дарханын уонна Бырабыыталыстыбатын пресс-сулууспата
Илиҥҥи экэниэмикэ пуорумун чэрчитинэн, Саха Өрөспүүбүлүкэтигэр “Сардаана” сибиньиэс уонна цинк хостуур сири баһылааһыҥҥа инвестиция бырайыагын…
Бүгүн, балаҕан ыйын 5 күнүгэр, улуу тириэньэр, педагог, Саха АССР оскуолаларын үтүөлээх учуутала, Саха АССР,…
Саха сиригэр ааспыт сууккаҕа икки ойуур баһаара умуруоруллубут. Уот хаппыт уопсай иэнэ 7,5 га. Суһал…
Атырдьах ыйын 29 күнүгэр 1962 с.т. эр киһи Уус Ньараттан хонууга үлэлии барбыт. Соҕотох эбит.…
Өрөспүүбүлүкэҕэ кыра кэмпилиэктээх оскуолалар дьылҕалара хайдаҕый? Учуутал тиийбэт кыһалҕатын хайдах быһаараллар? Оҕолор буруйу оҥорууларын сэрэтиигэ…
Дьокуускайдааҕы тырааныспар борокуратуурата Орто Халыма улууһугар кыра кээмэйдээх суудуна түҥнэстиитинэн бэрэбиэркэни тэрийдэ. Бу туһунан Дьокуускайдааҕы…