сахагов
ВЭФ-2025 кэмигэр Саха сирин баһылыга Айсен Николаев уонна “Полюс” ПАУо генеральнай дириэктэрэ Алексей Востоков өрөспүүбүлүкэ социальнай-экэнэмиичэскэй сайдыытыгар анммыт сөбүлэһиилэрин олоххо киллэриини кэпсэттилэр.
Хампаанньа Алдан оройуонун кэккэ көҕүлээһиннэрин өйүүргэ бэлэм. Ол курдук, Алдаҥҥа Историко-кыраайы үөрэтэр түмэли, Кутанаҕа элбэх өҥөнү оҥорор култуура киинин, Хатыыстыырга Эбэҥки култуурунай киинин, “Металлург” киинэ тыйаатырын тутууну.
Ону тэҥэ Черскэйгэ 9,3 МВт автономнай гибриднэй уот комплексын арыйыы бэлиэ түгэнинэн буолла. “РусГидро” ПАУо уонна “Арктик Пауэр Кэпитал” ХЭТ кыттыылаах саҥа эбийиэк уотунан бу пууну бигэтик хаччыйыаҕа. Энергетикэ миниистирэ Сергей Цивилев бырагырааманы ситиһиилэхтик киллэрии буолбутун холобурдаата.
“РусГидро” генеральнай дириэктэрэ Виктор Хмарин хампаанньа Саха сиригэр бүччүм энергетиканы былааннаахтык саҥардарын бэлиэтээтэ.
Үөһээ Бүлүү оройуонугар Бүлүү өрүс илин кытылыгар нэһилиэктэри гаастааһын туһунан илии баттаһыы дьоһун хардыынан буолла. Докумуоҥҥа Айсен Николаев, Уһук Илин уонна Арктика сайдыытын корпорациятын генеральнай дириэктэрэ Николай Запрягаев уонна “Сахатранснефтегаз” АУо генеральнай дириэктэрэ Алексей Колодезников илии баттаатылар. Онон 10 нэһилиэк гаастаныа.
ВЭФ-2025 үөрэххэ уонна байыаннай дьайыы бэтэрээннэрин өйөөһүҥҥэ улахан болҕомто уурулунна. Саха сирэ уонна “Синергия” корпорация үөрэнээччилэргэ үөрэтэр куурустар, туриндустрияҕа уо.д.а. каадырдар тустарынан дьүүллэстилэр.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Сиһилии: https://www.sakha.gov.ru/news/11649
Бу сыл тохсунньу саҥатыгар Ньурба улууһун Сүлэ сэлиэнньэтигэр Саҥа дьыллааҕы бырааһынньыктарга киһини өлөрүү түбэлтэтэ тахсыбыта.…
Саха сирин ирбэт тоҥ сиригэр археологтар уонна генетиктэр сурукка-бичиккэ кэриэтэ киирбэтэх чахчыны буллулар. Дьахтар көмүүтэ…
Өлүөхүмэ улууһун Үҥкүр сэлиэнньэтин олохтооҕо Леонид Евстифеев байыаннай дьайыыга маскировочнай сиэккэни өрөргө туһаныллар хас даҕаны…
Быйыл күһүн тохсус ыҥырыылаах Судаарыстыбаннай Дуума дьокутааттарын талыахтара. Бу сырыыга Дума быыбарыгар Донбасс уонна Новороссия…
СӨ Бырамыысыланнаска уонна геологияҕа миниистирэ Максим Терещенко бүгүн, олунньу 3 күнүгэр, соцситимнэргэ быһа эпиири ыытыаҕа.…
Олунньу 2 күнүгэр, сарсыарда 07:35 чааска, Быыһыыр сулууспаҕа Амма улууһун полициятыттан иһитиннэрии киирбит. Онно этиллэринэн,…