Хаартыска: Андрей Сорокин, ЯСИА
Онус Илиҥҥи экэнэмиичэскэй пуорум бастакы күнүгэр «СОГАЗ» АУ эрэгийиэннээҕи сайдыыга дириэктэрэ Алексей Абрамов уонна СӨ Бырабыыталыстыбатын бэрэссэдээтэлэ Кирилл Бычков бииргэ үлэлиир туһунан сөбүлэҥҥэ илии баттастылар. Бу туһунан sakha.gov.ru иһитиннэрэр.
Өрүттэр страховой өҥөлөр ордук судургутук ылыллыахтаахтарын хааччыйарга уонна нэһилиэнньэ страховой үөрэхтээх буолуутун үрдэтэргэ бииргэ үлэлиэхтэрэ. Эрэгийиэн олохтоохторун уонна тэрилтэлэрин интэриэстэригэр, ону таһынан Саха Өрөспүүбүлүкэтин биир кэлим социальнай-экэнэмиичэскэй сайдыытын туһугар страхование бастакы суолталаах көрүҥнэрин эйгэтигэр бииргэ үлэлиир туһунан кэпсэтии ситиһилиннэ.
«Сөбүлэҥҥэ илии баттааһын Саха сирин олохтоохторугар уонна биисинэһигэр саҥа кыахтары арыйар. Судургутук ылыллар уонна хаачыстыбалаах страховой өҥөлөр олохтоохтор көмүскэллээх буолууларын таһымын үрдэтэллэр, ону таһынан эрэгийиэн экэниэмикэтэ сайдарыгар эбии мэктиэлэри үөскэтэллэр. Биһиги бииргэ үлэлээһиммит социальнай туруктаах буолууну бөҕөргөтөргө уонна инвестицияны тардыыга көмөлөһүөҕэ диэн эрэнэбит», – диэн СӨ бырабыыталыстыбатын бэрэссэдээтэлэ Кирилл Бычков бэлиэтээтэ.
«„СОГАЗ“ эрэгийиэҥҥэ үлэтин былааннаахтык бөҕөргөтөр уонна сайыннарар. Билигин дойдуга хампаанньа 1000-тан тахса салаалара уонна атыылыыр офистара бааллар. Уһук Илин эрэгийиэнэ үрдүк сайдыы тэтимин көрдөрөр, онон, биллэн турар, биһиэхэ улахан интэриэһи үөскэтэр. Билигин даҕаны Саха Өрөспүүбүлүкэтигэр кутталлаах эбийиэктэр бас билээччилэрин гражданскай эппиэтинэстэрин страхованиелыыр эйгэҕэ „СОГАЗ“ өлүүтэ 54%-тан тахса. Өрөспүүбүлүкэ бырабыыталыстыбатын кытта сөбүлэһии биһиги бииргэ үлэлээһиммит сайдыытыгар суолталаах хардыынан буолла. „СОГАЗ“ дойду биир саамай бөдөҥ страховщигын быһыытынан, эрэгийиэн бигэ туруктаах сайдыытын туһугар олохтоохтор уонна хампаанньалар баайдарын-дуолларын уонна атын интэриэстэрин үрдүк хаачыстыбалаах страховой көмүскэлинэн салгыы да хааччыйар былааннаах», – диэн «СОГАЗ» АУ эрэгийиэннээҕи сайдыыга дириэктэрэ Алексей Абрамов эттэ.
Дьокуускай куорат 393 сыллаах үбүлүөйүн сүрүн тэрээһиннэрэ балаҕан ыйын 12-14 күннэригэр ыытыллыахтара. Бу туһунан киин…
Илиҥҥи экэнэмиичэскэй пуорумҥа Саха сиригэр Алданнааҕы бырамыысыланнай кластеры тэрийэр инвестиционнай бырайыагы олоххо киллэрии туһунан сөбүлэһии…
Сыл бастакы аҥаарын түмүгүнэн Саха сирин олохтоохторун орто хамнаһа 11,8%-нан үрдээн, 135,3 тыһ. солк. тэҥнэспит.…
Нам улууһугар Кириэс-Кытыл сэлиэнньэтин олохтооҕун, балаҕан ыйын 1 күнүгэр сүппүт кырдьаҕас киһини 50-ча киһи көрдүүр.…
Ньурба улууһун дэлэгээссийэтэ Запорожье уобалаһыгар саха норуотун ытык бэлиэтин – алгыстаах сэргэни туруоран, ийэ дойдуну…
Хайа боруодата Өймөкөөн оройуонугар баар рудникка сиҥнибит. Быһылаан түмүгэр биир киһи эмсэҕэлээбит, диэн балаҕан ыйын 4…