Хаартыска: sakha.gov.ru
Илиҥҥи экэнэмиичэскэй пуорумҥа «Уһук Илин сайдыытыгар анаммыт электроэнергия» диэн ааттаах сүрүн сессия буолан ааста, онно модераторынан СӨ Ил Дархана үлэлээтэ. Кэпсэтиигэ РФ энергетикатын миниистирэ Сергей Цивилев, Уһук Илин уонна Арктика сайдыытын миниистирэ Алексей Чекунков, губернатордар уонна бөдөҥ энергетическэй хампаанньалар салайааччылара кытыннылар.
Сессияҕа саҥа энергияны оҥорон таһаарар күүстэри уонна ситимнэри тутуу, атомнай уонна саҥардыллар энергетиканы сайыннарыы, энергооройуоннары саҥардыы, кэлэр кэм энергетикатыгар каадыры бэлэмнээһин боппуруостара дьүүллэһилиннилэр.
«Ол эрээри сүрүн болҕомто үбүлээһин көдьүүстээх мэхэньииһимнэрин оҥорон таһаарыыга уурулунна. Сайдыы былааннара бааллар, үгүс хайысхаларынан сөбүлэһии уонна өйдөһүү ситиһилиннэ. Билигин бу былааннары олоххо киллэрэргэ кыах биэрэр бигэ туруктаах үп-харчы моделын булуохха наада. Сессияҕа этиллибит хас да этии номнуо РФ Бэрэсидьиэнигэр билиһиннэриллиэхтэрэ. Энергетика – стратегическай ресурс. Уһук Илин инники сайдыы тэтимин кыаҕын быһаарар. Биир сомоҕо буолан, кэлэр кэм экэниэмикэтигэр уонна дьон олоҕун үрдүк хаачыстыбатыгар тирэх буолар саҥа энергосистиэмэни тэрийиэхпит диэн эрэнэбин», — диэн Айсен Николаев бэйэтин ТГ-ханаалыгар суруйда.
Бэлиэтээн эттэххэ, РФ Бэрэсидьиэнэ Владимир Путин Илиҥҥи экэнэмиичэскэй пуорумҥа Уһук Илиҥҥэ энергетическэй комплексы сайыннарыы боппуруостарыгар анаммыт мунньаҕы ыытыаҕа.
Кэлиҥҥи ыйдарга дойду үрдүнэн киэҥник тарҕаммыт омук мессенджердэрин нөҥүө түөкүннээһин ахсаана үксээбитэ бэлиэтэнэр. Ордук WhatsApp*…
Киһи күннээҕи олоххо туох битэмиинэ тиийбэтин ситэри өйдөөбөт. Кини уутун хаммат, түргэнник сылайар буолбутун барытын…
Чэппиэр күн сарсыарда Дьокуускай куорат Владимировка сэлиэнньэтин таһыгар олохтоохтор тыатааҕыны көрбүттэр. Быһылаан буолбут сиригэр иниспиэктэрдэр…
Кобралар, ооҕуйдар, эбисийээнэлэр, пеликаннар... Балаҕан ыйын 1 күнүттэн дойду үрдүнэн чааһынай дьиэҕэ уонна кыбартыыраҕа экзотическай,…
Балаҕан ыйын 9-10 күннэригэр Дьокуускайга Саха сирин гражданскай уопсастыбатын институттарын сүрүн тэрээһинэ – «Гражданскай уопсастыба:…
Балаҕан ыйын 3 күнүттэн Саха сиригэр болдьоҕун иннинэ куоластааһын саҕаланна. Куоластааһын бу сыл балаҕан ыйын…