Хаартыска: SakhaGov
Саха сирин “Экстра Синема” хампаанньата Уһук Илин эрэгийиэннэригэр киинэ 13 саалатын арыйарыгар 10 мөлүйүөн суумалаах Граны ылла. “ТехноВосток 2030” боруобалыыр бырагыраама түмүктэрин бүгүн Илиҥҥи Х экэнэмиичэскэй пуорумҥа таһаардылар.
«Биһиги киинэ саалаларын ситимнэрин Уһук Илинтэн саҕалаан, Арассыыйаҕа оҥорор үлэбитин салгыыбыт, дойду култуураҕа уонна технологияҕа суверенитетын хааччыйан, ыраах сытар эрэгийиэннэр олохтоохторун Арассыыйа култууратын биир кэлим эйгэтигэр киллэрэбит”, — диэтэ хампаанньа салайааччыта Петр Чиряев.
Кини эппитинэн, киинэ саалаларын киинэ тыйаатырдара суох нэһилиэнньэлээх пууннарга баар култуура дьиэлэрин, оскуолалар уонна тыа сирин кулууптарын базаларыгар арыйыахтара.
“Биһиги исписэлиистэрбит үлэ комплексын: тиэхиньиичэскэй усулуобуйаны сыаналааһынтан тэрилтэ үлэһиттэрин үөрэтиигэ тиийэ ыытыахтара. Сайаапкалары, сүүмэрдээһини киллэрэн туран ыытыллар бары үлэлэри эһиил от ыйыгар диэри бүтэрэргэ торумнуубут”, — диэтэ Петр Чиряев.
«Экстра Синема» инновационнай бырагыраама-аппараат комплекса Арассыыйаҕа бастакы толору экосистиэмэлээх сыыппаралаах киинэ быракаатынан буолар.
Саха сиригэр хайыы-үйэ 74 киинэ саалата баар уонна тыа сирин 113 тыһыынча олохтооҕо олорор сиригэр киинэни кэлэктиибинэн көрөр кыахтанна.
СӨ Ил Дарханын уонна бырабыыталыстыбатын пресс-сулууспата
Саха сирин ювелирнай хампаанньалара олунньу 4-8 күннэригэр Санкт-Петербург куоракка JUNWEX норуоттар икки ардыларынааҕы быыстапкаҕа кыттыахтара.…
Арассыыйаҕа чикунгунья лихорадка соччо куттала суох, тоҕо диэтэххэ, киһиттэн киһиэхэ буолбакка, бырдах нөҥүө бэриллэр, диэн…
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…