https://www.sakha.gov.ru/
Владивосток куоракка ыытыллар үбүлүөйдээх онус Илиҥҥи экэнэмиичэскэй пуорум иитинэн «Улица Дальнего Востока» быыстапка аһылынна.
Саха сирэ атын федеральнай уокуруктары сэргэ бэйэтин павильонун туруорда.
— Онус төгүлүн «Улица Дальнего Востока» быыстапканы арыйдыбыт. Бу пуорум улахан суолталаах тэрээһинэ. Биһиги туһааннаах быыстапканы тэрийэрбитигэр Уһук Илиҥҥэ тапталы, интэриэһи үөскэтиэ диэн ыра санаалаах этибит. Ол курдук Приморьеҕа, Хабаровскай кыраайга, Бурятияҕа уонна Саха сиригэр, Магадан уобалаһыгар уонна Чукоткаҕа. Уһук Илин барыта уларыйа турар: куораттар уонна бөһүөлэктэр, саҥа инвестиционнай бырайыактар үөскүүллэр, саҥа балыыһалар, оскуолалар, оҕо саадтара тутуллаллар, инфраструктура тупсар. Уһук Илин өссө табыгастаах, кэскиллээх буолан иһэр. Итини барытын биһиги РФ Президенэ Владимир Владимирович Путин быһаарыытынан оҥоробут, кини Уһук Илин сайдыытын өссө 2013 сыллаахха национальнай приоритетынан биллэрбитэ. Бу үлэҕэ кыттыгастаах дьоҥҥо барыларыгар махтанабын, биһиэхэ саҥа ситиһиилэри уонна бары үтүөнү баҕарабыт, диэн РФ бырабыыталыстыбатын бэрэссэдээтэлин солбуйааччы, бэрэсидьиэн боломуочуйалаах бэрэстэбиитэлэ Юрий Трутнев эттэ.
«Уһук Илин уулуссата» быыстапката Уһук Илин федеральнай уокуругун бары 11 эрэгийиэннэрин, ону тэҥэ федеральнай министиэристибэлэр сүрүн бырайыактарын билиһиннэрэр. Уһук Илин уонна Арктика сайдыытын министиэристибэтэ Уһук Илин уонна Арктика сайдыытын корпорациятын кытта «Уһук Илини сайыннарыы» павильону бэлэмнээтилэр. Кини экспозицията макрорегиоҥҥа үлэлиир урбаанньыттарга судаарыстыба өйөбүлүн механизмнарыгар, ону тэҥэ дьон олоҕун хаачыстыбатын тупсарарга туһуламмыт социальнай суолталаах бырагыраамаларга ананар.
Быыстапка аһыллыытын үөрүүлээх сиэрин-туомун иннинэ, улахан Георгиевскай лиэнтэлээх хаамыы буолла. Манна байыаннай дьайыы кыттыылаахтара, бойобуой дьайыы бэтэрээннэрэ, «Кыайыы волонтердара» хамсааһын, эрэгийиэннэр бэрэстэбиитэллэрэ кытыннылар.
Сиһилии: https://www.sakha.gov.ru/news/11069
Бүгүн Өлүөнэ өрүс хаҥас кытылыгар үөрүүлээх быһыыга-майгыга Өлүөнэ күргэтин бастакы тирэҕэр өйдөбүнньүк бэлиэни туруорар тэрээһин…
2024 сыл от ыйыгар Дьокуускай куорат биир саҥа тутуутугар нус-хас олох тохтообута. Сэттис мэндиэмэҥҥэ олорор…
Хортуоскаттан эрэ буолбакка, атын оҕуруот аһыттан минньигэс, туһалаах пюре оҥоһулларын билэҕит дуо? Бу маннык илдьиритиллибит…
Саха сиринээҕи тырааныспар борокуратуурата сымнаҕас сыттыктаах суудунаны кытары сибээстээх түбэлтэнэн бэрэбиэркэ ыытар. Бүгүн, алтынньы 21…
Алтынньы 20 күнүгэр Куокуй орто оскуолатын дириэктэрэ Петров И.И. биһиги иистэнэр сыахпытыгар соһуччу бэлэхтээх киирэн…
Саха сирин үөрэхтээһинин сүрүннүүр исписэлиистэр уонна парламентарийдар Төрүт сокуоҥҥа үөрэххэ сыһыаннаах көннөрүүлэри өйүүллэрин биллэрдилэр. Кинилэр…