Хаартыска: sakha.gov.ru
Балаҕан ыйын 4 күнүгэр Илиҥҥи экэнэмиичэскэй пуорумҥа СӨ Бырабыыталыстыбатын, «Сахатранснефтегаз» АУо уонна «Уһук Илин уонна Арктика сайдыытын корпорацията» АУо икки ардыларыгар, Саха сирин Үөһээ Бүлүү улууһун Бүлүү өрүс хаҥас кытылыгар баар нэһилиэнньэлээх пууннары гаастааһын инвестиционнай бырайыагын олоххо киллэриигэ бииргэ үлэлэһии туһунан үс өрүттээх сөбүлэһиигэ илии баттанна. Бу туһунан sakha.gov.ru иһитиннэрэр.
Докумуоҥҥа СӨ Ил Дархана Айсен Николаев, «Уһук Илин уонна Арктика сайдыытын корпорацията» АУо генеральнай дириэктэрэ Николай Запрягаев уонна «Сахатранснефтегаз» АУо генеральнай дириэктэрэ Алексей Колодезников илии баттаатылар. Инвестиционнай бырайыагы олоххо киллэрии Үөһээ Бүлүү улууһун 10 нэһилиэнньэлээх пуунун гаастыырга кыах биэриэҕэ. Гаас ситимнэрэ «Орто Бүлүүтээҕи ГКМ – Мастаах – Бэргэ – Дьокуускай» үлэлии турар гаас систиэмэтигэр холбонуохтара.
«Гаас турбатын уонна ситимнэрин тутуу 2025-2026 сылларга саҕаланыаҕа. Гаастааһын олох хаачыстыбатын тупсарыа, үлэ миэстэтин таһаарыа уонна улуус экэниэмикэтин сайдыытыгар тирэҕинэн буолуоҕа», – диэн СӨ Ил Дархана Айсен Николаев бэлиэтээтэ.
Сөбүлэһиинэн бырайыакка «Уһук Илиннээҕи концессия» мэхэньииһиминэн 10,3 млрд солкуобайтан тахса инвестицияны тардыы көрүллэр.
Санатан эттэххэ, РФ Бэрэсидьиэнэ Владимир Путин көҕүлээбит Социальнай гаастааһын бырагырааматын олоххо киллэрии тэтиминэн Саха сирэ Уһук Илиҥҥэ инники күөҥҥэ сылдьар уонна дойду бастыҥ 10 эрэгийиэнин ахсааныгар киирэр. Өрөспүүбүлүкэҕэ 2021 сылтан 9,2 тыһыынчаттан тахса ыал дьиэтэ гааһынан хааччылынна. Быйыл Саха сирэ гаастаах дьиэ ахсаанын 10 тыһыынчаҕа тиэрдэр санаалаах. Саха сирэ быйыл Илиҥҥи экэнэмиичэскэй пуорум тэрээһиннэрин чэрчитинэн 100 млрд солк. тахса суумалаах сөбүлэһиилэри түһэрсэр былааннаах.
СӨ Бырабыыталыстыбата байыаннай дьайыы кыттыылаахтарыгар – байыаннай сулууспалаахтарга уонна кинилэр дьиэ кэргэттэригэр социальнай өйөбүл миэрэлэрин…
Дьокуускайга арыгыны сокуоннайа суох эргинии кыһалҕата сытыытык турар. Хааччахтар уонна ыстарааптар баалларын үрдүнэн, сорох урбаанньыттар…
Бээтинсэҕэ, балаҕан ыйын 5 күнүгэр, түүн тоҥоруу түһэрэ сабалаҕанар диэн Саха сиринээҕи УГМС саайта сэрэтэр.…
Өрөспүүбүлүкэтээҕи 2 №-дээх балыыһа-Мэдиссиинэ суһал көмөтүн киинэ балаҕан ыйын 6 күнүттэн Ньурба улууһугар үлэлиэҕэ. Манна…
Илиҥҥи экэнэмиичэскэй пуорумҥа «Уһук Илин сайдыытыгар анаммыт электроэнергия» диэн ааттаах сүрүн сессия буолан ааста, онно…
Саха сиринээҕи Аҕа дойду буойуннарын дьиэ кэргэттэрин кэмитиэтэ (КСВО) уонна өрөспүүбүлүкэтээҕи Киһи быраабыгар боломуочунай Сардана…