Хаартыска: sakha.gov.ru
Илиҥҥи экэнэмиичэскэй пуорум «Уһук Илин сайдыытын күүһэ – үөрэхтээһин» диэн сессиятыгар СӨ Бэрэссэдээтэлин солбуйааччыта Анатолий Семенов Дьокуускайдааҕы үрдүк үөрэх кыһаларын икки ардыларынааҕы кампус кэнсиэпсийэтин билиһиннэрдэ.
Вице-премьер бырайыагы Уһук Илиҥҥэ үөрэх ыларга аныгылыы усулуобуйаны тэрийэргэ, эдэр талааннар тахсан барыыларын кыһалҕатын быһаарарга көмөлөһөр биир сүрүн үнүстүрүмүөн быһыытынан ааттаата. Бу туһунан sakha.gov.ru суруйар.
«Экэниэмикэ көрдөрүүлэрэ үрдээн истэллэр да, Уһук Илин киин куораттар үрдүк үөрэхтэрин кыһаларыгар үөрэниэн уонна уокурук таһыгар карьера оҥостуон баҕарар эдэр талааннара тахсан барыыларын кыһалҕатыгар оҕустарар. Биһиги сүрүн сорукпут — «Уһук Илиҥҥэ үөрэнэбин» диэн күһэлэҥ буолбакка, баҕа санаанан талан ылыы буоларын курдук, үөрэхтээһини сайдыы күүһүнэн оҥоруу», – диэн Анатолий Семенов тыл этиитигэр бэлиэтээтэ.
Кини кампус ХИФУ, АГАТУ, АГИКИ, СӨ Наукаларын кыра Академиятын уонна «Хоту» НОЦ кыахтарын түмэр күүстээх үөрэх брендинэн буолуоҕун эттэ. Бу ураты эбийиэк Саха сирин күрэстэһэр бастыҥ өрүттэрин, ол курдук, сайдыылаах салааны уонна креативнай индустриялары учуоттаан оҥоһуллуоҕа. Сайдыы үс сүрүн, бииргэ холбоммут, хас да диссипилиинэни хабар бырагыраамата бэлиэтэннэ: бырамыысыланнаска оҥорон таһаарыы бырасыастарын саҥаттан тэрийии, култуура уонна креативнай индустриялар.
Бырайыак олоххо киириитин түмүгэр үрдүкү технологиялары киллэрии нөҥүө нэһилиэнньэ олоҕун таһыма тупсуоҕа, Саха сирин олохтоохторун олоҕун уһуна 80 сааска диэри уһуоҕа, 2030 сылга диэри үрдүк үөрэх кыһаларын икки ардыларынааҕы кампуска 500-тэн тахса үрдүкү технологиялаах үлэ миэстэтэ тэриллиэҕэ, дойду хотугулуу-илинигэр үрдүк үөрэх хаачыстыбата үрдүөҕэ диэн күүтүллэр.
«2030 сылга диэри устудьуон ахсаанын 21 тыһыынчаҕа диэри улаатыннарар былааннаахпыт, бу кэмҥэ экэниэмикэ ирдэбилэ үрдүк үөрэхтээх 23,4 тыһыынча уонна орто профессиональнай үөрэхтээх 54 тыһыынча исписэлиискэ тэҥнэһиэҕэ. Итини таһынан, кампус арыллыбытын кэннэ бастакы биэс сыл иһигэр 200-тэн тахса технологическай стартабы тэрийэр сыаллаахпыт. Онон Дьокуускайдааҕы үрдүк үөрэх кыһаларын икки ардыларынааҕы кампус дойду бүтүн хотугулуу-илинигэр экэниэмикэ үүнүүтүгэр уонна сүрүн салаалар сайдыыларыгар көмөлөһөр», – диэн Анатолий Семенов эттэ.
Оҕуруот аһын сыаната мантан күһүн өссө түһүөҕэ. Билигин помидор сыаната киилэтигэр 15-200 солкуобайга халбаҥныыр, кабачок…
«Национальнай Лотерея» «Мечталлион» лотерея 154-с тираһын Саха сириттэн кыайыылааҕын көрдүүр. Кыайыылаах биир мөлүйүөн солкуобайы сүүйбүт…
Бастакы кылааска киирэн баран, оҕо уутун хаммат, начаас сылайар, уруок ааҕыан баҕарбат буоллаҕына, оҕону ыгар-түүрэр…
Быйыл саахсаланан ыал буолбуттар, 50 эбэтэр онтон элбэх сыл олорбут Арассыыйа дьиэ кэргэттэрэ, эрэгийиэн таһымыгар…
Саха сиригэр биллэр уопсастыбанньык, адаптивнай күрэсчит, 1 группалаах инбэлиит, диализтаах уонна уорганнарын көһөртөрбүт ыарыһахтар уопсастыбаларын…
РФ Бэрэсидьиэнэ Владимир Путин X Илиҥҥи экэнэмиичэскэй пуорум чэрчитинэн Чуумпу акыйааннаҕы тимир суолу арыйыыга старт…