Хаартыска СИА түһэриитэ
Быйыл ВЭФ пуорумугар «Уһук Илин уулуссата» быыстапкаҕа өрөспүүбүлүкэ павильонун дизайнын таһыччы уларытан, куйаас сайыннаах Саха сирин көрдөрүө.
Киин эбийиэгинэн «Алтан сэргэ» — саха сэргэтэ, сиэр- туом ыытыллар, алгыс түһэр сирэ. Ааспыт сылга быыстапкаҕа туох баар этэй?
2023 с. экспозиция икки хайысханан арахсыбыта: сүрүн павильоҥҥа Саха сирин брендин уонна анал байыаннай дьайыыга көмөнү көрдөрөр үлэ билиһиннэриитэ турбуттара. Павильон интерьера муус дойду саарыстыбата – Саха сирин тутаах брендиттэн биирдэстэрэ.
Анал байыаннай дьайыыга көмөнү көрдөрүүгэ, хочуоллар, армейскай балааккаларга турар оһохтор, «Хоту тент» хампаанньа бородууксуйата, «Якутия» технопарк оҥорбут пилота суох көтөр аппарааттара турбуттара.
Оттон инвестиционнай бырайыактар алта хайысханан: тырааныспар, сиртэн хостонор баай, сибээс, оҥорон таһаарыыга куттал суох буолуута, экология, научнай бырайыактар көрдөрүллүбүтэ.
«Уһук Илин уулуссата» быыстапка» – бу уонунан дойдулартан кэлбит тыһыынчанан ыалдьыттарга Уһук Илин эрэгийиэннэрин култууратын уонна экэнэмиичэскэй кыаҕын көрдөрөр, инвестордары уонна туристары тардар кыах буолар. Пуорумҥа кэлбит дьоҥҥо Уһук Илин диэн тугун уонна онно хайдах олороллорун көрдөрүү дьоһуннаах суолталаах», – диэни Уһук илин боломуочуйалаах бэрэстэбиитэ Юрий Трутнев бэлиэтээн турар.
«IX Илин экэнэмиичэскэй пуорумҥа «Уһук Илин уулуссата» быыстапкаҕа Саха сирин павильонугар ыалдьыттыы кэлэргитигэр ыҥырабын. Биһиги эһиэхэ тыйыс килиимэттээх, ол эрээри Саха сирин олохтоохторун дууһаларынан сылытыллыбыт өрөспүүбүлүкэ олоҕун-дьаһаҕын көрдөрүөхпүт, үгүс омуктаах норуотун үгэстэрин, үлэбит уонна былааннарбыт туһунан элбэҕи билиэххит. Көрсүөххэ диэри Саха сирин павильонугар!», — диэн Ил Дархан Айсен Николаев бэлиэтээтэ.
IX Илин экэнэмиичэскэй пуорум балаҕан ыйын 3-6 күннэригэр Владивосток куоракка, УҺук Илин федеральнай университет кампуһун былаһааккатыгар ыытыллыа.
Кыһын дьиэ үүнээйилэрэ мэлдьи эрэйдэнэллэр, сэбирдэхтэрэ саһарар уонна түһэр диэн «Ученый агроном» ханаал ааптара суруйар.…
Айсен Николаев Саха Өрөспүүбүлүкэтин Бастакы Бэрэсидьиэнин оскуолаларын ситимин сайыннарыы боппуруостарыгар мунньах ыытта. Көрсүһүүгэ бэрэсидьиэн оскуолаларын…
Кэлэн иһэр саргылаах Саҥа дьылы көрсө Үрүҥ Айыы сылынан (Кытай халандаарынан – Кыһыл ат сыла)…
Саха сиригэр суукка иһигэр буруйу оҥоруу туһунан икки иһитиннэрии бэлиэтэннэ. Бу туһунан СӨ Борокуратуурата иһитиннэрэр.…
Ахсынньы чахчы да аам-даам тымныыта күүһүрэн, нэдиэлэттэн ордук кэм устата 1-8 кылаас оҕолоро Дьокуускайга,…
Айсен Николаев социальнай суолталаах ас-үөл табаардарын тиэйиини тэрийиигэ мунньах ыытта уонна Арктика улуустарын олохтоохторугар дьоҕус…