СӨ Ил Дарханын уонна Бырабыыталыстыбатын пресс-сулууспата
Үбүлүөйдээх Илиҥҥи экэнэмиичэскэй пуорумҥа 36 дойду бэрэстэбиитэллэрэ кытталларын бигэргэттилэр.
Пуорум 6 тыһыынча кэриҥэ кыттааччыны түмүөҕэ диэн күүтүллэр. Бу туһунан РФ Бырабыыталыстыбатын Бэрэссэдээтэлин солбуйааччыта — РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлэ, ВЭФ тэрийэр кэмитиэтин бэрэссэдээтэлэ Юрий Трутнев мунньаҕар иһитиннэрдилэр. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.
«Биһиги үбүлүөйдээх Илиҥҥи экэнэмиичэскэй пуорумҥа бэлэмнэниини салгыыбыт. ВЭФ Уһук Илин сайдыытыгар күүстээх хамсааһыны биэрэр: эрэгийиэҥҥэ инвестициялар киирэллэр, аныгы кэм тэрилтэлэрэ уонна аэропортар тутуллаллар, үлэ миэстэлэрэ тахсаллар. Манна сүрүн көҕүлээһиннэр үлэҕэ киирбиттэрэ — инники сайдыы сирдэрэ, «Уһук Илиҥҥи гектар» бырагыраама, чэпчэтиилээх ипотека, куораттар сайдыыларын маастар-былааннара. Дьон дьиҥнээх уларыйыылары билэллэр. Өйдүөххэ наада: Уһук Илин бүгүн Арассыыйа уонна Азия-Чуумпу акыйаан эрэгийиэнин дойдуларын икки ардыларыгар транзитнай сир быһыытынан стратегическай суолталаах оруолу оонньуур», — диэн Юрий Трутнев бэлиэтээтэ.
Үгэс быһыытынан, сүрүн тэрээһининэн «Уһук Илин уулуссата» быыстапка буолуоҕа, онно федеральнай уокурук бары 11 эрэгийиэнин павильоннара көрдөрүллүөхтэрэ. Кыттааччылар истэригэр эмиэ Успуцорка министиэристибэтэ («Дьыалабыай» уонна «ГТО Арената» павильоннардаах), РФ Айылҕа министиэристибэтэ, «Туризм.РФ корпорацията» АУо, ону таһынан Уһук Илин уонна Арктика сайдыытын корпорацията «Уһук Илини сайыннарабыт» кэнсиэпсийэлээх кыттыахтара.
РФ Силиэстийэлиир кэмитиэтин бэрэссэдээтэлэ Александр Бастрыкин Дьокуускайга саахалланар туруктаах дьиэттэн көһөрүүгэ олохтоохтор бырааптара кэһиллибитин туһунан…
Бу күннэргэ алдьатыылаах айылҕа иэдээниттэн -- от ыйынааҕы дохсун ардах халааныттан эмсэҕэлээбит Өймөкөөн улууһун олохтоохторун…
«Мин биисинэһим» киин «Көдьүүстээх уонна күрэстэһэр кыахтаах экэниэмикэ» национальнай бырайыак чэрчитинэн олоххо киирэр «Элбэх оҕолоох…
Дьокуускай куораттааҕы силиэстийэлиир отдела итирик туруктаах сылдьан суол быраабылатын кэһэн, икки оҕо өлүүтүгэр тиэрдибит 36…
Киин куорат сөтүөлүүр сирэ сабыллыбытын туһунан Дьокуускай куорат дьаһалтата иһитиннэрэр. Онон ууга түспүт дьону быыһыыр…
«Кыталык» судаарыстыбаннай эркээйи сиргэ орнитологтар кубалаах хаас дьикти сыһыаннаһыыларын туоһулара буоллулар. Мария Владимирцева уонна Айгуль…