Хаартыска: pxhere.com
Вейпы тардыы онкология ыарыытыгар тиэрдэр кутталлааҕын туһунан РИА Новости ааҕыныстыбаҕа РФ Доруобуйа харыстабылын министиэристибэтин НМИЦ радиология киинин генеральнай дириэктэрэ Андрей Каприн иһитиннэрдэ.
Исписэлиис табаҕы тардыы араак ыарыытыгар тиэрдэр биир сүрүн төрүөтүнэн буоларын бэлиэтээтэ. Бу куһаҕан дьаллыгы таһынан, ыччат табаҕы солбуйан араас амтаннаах вейптары тардар буолбуттара исписэлиистэри долгутар эбит.
«Электроннай табах доруобуйаҕа дьайыыта суох дии саныыр сыыһа. Электроннай табах куһаҕан дьаллык кыһалҕатын быһаарбат, хата, ол оннугар саҥа проблемалары үөскэтэр. Вейп паара ыарахан металлардаах уонна канцерогеннардаах. Ол курдук, вейпинг табаҕы солбуйбат, хата, ол оннугар онкология ыарыһахтарын «саҥа долгунун» үөскэтиигэ тиэрдэр», — диэн кэпсээтэ Андрей Каприн. Табах онкология 20 көрүҥэ үөскүүрүгэр тиэрдэр — куолайга, куртахха, быарга, бүөргэ, хабахха, түөскэ, о.д.а.
«Токсиннар табах буруотунан киһи хааныгар киирэн, бүтүн киһи организмын сүһүрдэр. Ол түмүгэр, бары онкологическай ыарыылар 30%-на табахтааһыны кытта сибээстээхтэр», — диэн бэлиэтээтэ онколог.
Сыл аайы табаҕы тардыы аан дойду үрдүнэн 8 мөлүйүөнтэн тахса киһини өлөрөр, диэн ВОЗ дааннайдарыгар сигэнэн быраас иһитиннэрдэ. Кини этэринэн, ордук табах тардааччыларга онкология ыарыыта элбэхтик бэлиэтэнэр.
Биир сарсыарда Ис дьыала министиэристибэтин профессиональнай бэлэмнээһиҥҥэ киинин истээччилэрэ, Уус Алданнааҕы полиция отделын сержана Дмитрий…
Госавтоинспекция суол быһылаана тахсыбыт сириттэн куоппут матасыыкыллаах эр киһини көрдүүллэр. Атырдьах ыйын 23 күнүгэр 00:22…
Бүгүн, балаҕан ыйын 10 күнүгэр, куорат үрдүнэн быстах кэмҥэ өрөмүөн үлэтэ буоларынан сибээстээн, күн устата…
ИДьМ Дьокуускайдааҕы салаатын пресс-сулууспата иһитиннэрбитинэн, Дьокуускай куорат олохтооҕо кыыс бииргэ олорор киһититтэн хаста даҕаны кырбанан,…
Бүгүн, балаҕан ыйын 10 күнүгэр, Анаабыр, Булуҥ, Өлөөн, Мииринэй, Эдьигээн, Ленскэй улуустарыгар ардыаҕа. Сорох сиринэн…
Балаҕан ыйын 11 күнүттэн "Сибэкки биэрээри" диэн саҥа киинэ бары киинэ тыйаатырдарыгар көстүөҕэ. Бу иннинэ…