Хаартыска: pxhere.com
Вейпы тардыы онкология ыарыытыгар тиэрдэр кутталлааҕын туһунан РИА Новости ааҕыныстыбаҕа РФ Доруобуйа харыстабылын министиэристибэтин НМИЦ радиология киинин генеральнай дириэктэрэ Андрей Каприн иһитиннэрдэ.
Исписэлиис табаҕы тардыы араак ыарыытыгар тиэрдэр биир сүрүн төрүөтүнэн буоларын бэлиэтээтэ. Бу куһаҕан дьаллыгы таһынан, ыччат табаҕы солбуйан араас амтаннаах вейптары тардар буолбуттара исписэлиистэри долгутар эбит.
«Электроннай табах доруобуйаҕа дьайыыта суох дии саныыр сыыһа. Электроннай табах куһаҕан дьаллык кыһалҕатын быһаарбат, хата, ол оннугар саҥа проблемалары үөскэтэр. Вейп паара ыарахан металлардаах уонна канцерогеннардаах. Ол курдук, вейпинг табаҕы солбуйбат, хата, ол оннугар онкология ыарыһахтарын «саҥа долгунун» үөскэтиигэ тиэрдэр», — диэн кэпсээтэ Андрей Каприн. Табах онкология 20 көрүҥэ үөскүүрүгэр тиэрдэр — куолайга, куртахха, быарга, бүөргэ, хабахха, түөскэ, о.д.а.
«Токсиннар табах буруотунан киһи хааныгар киирэн, бүтүн киһи организмын сүһүрдэр. Ол түмүгэр, бары онкологическай ыарыылар 30%-на табахтааһыны кытта сибээстээхтэр», — диэн бэлиэтээтэ онколог.
Сыл аайы табаҕы тардыы аан дойду үрдүнэн 8 мөлүйүөнтэн тахса киһини өлөрөр, диэн ВОЗ дааннайдарыгар сигэнэн быраас иһитиннэрдэ. Кини этэринэн, ордук табах тардааччыларга онкология ыарыыта элбэхтик бэлиэтэнэр.
Ил Дархан туһаайан этиитигэр дьоҕус урбааны өйүүр боппуруос болҕомтоҕо ылыллыа диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…
СӨ муниципальнай тэриллиилэрин бэрэстэбиитэллээх уорганнарын дьокутааттарын 3-с сийиэһэ куорат уокуруктарын, тыа сирин нэһилиэктэрин дьокутааттарын түмтэ.…
Саха норуодунай суруйааччыта, Саха Өрөспүүбүлүкэтин култууратын үтүөлээх үлэһитэ, СӨ Суруйааччыларын сойууһун бэрэссэдээтэлинэн үлэлээбит Егор Петрович…
Быйыл өрөспүүбүлүкэ 13 арктическай улууһугар барыларыгар эргиэн логистическай кииннэрэ аһылыннылар. Бу соругу Айсен Николаев Судаарыстыбаннай…