Хаартыска: В.И. Степанова.
Бэрэсидьиэн Владимир Путин Федеральнай Мунньахха туһаайан этиитин өрөспүүбүлүкэ олохтоохторо болҕойон истибиттэрэ, билиҥҥэ диэри ырытыһыы, дьүүллэһии тохтообот. Тоҕо диэтэр, бу Анал этии кэлэр сылларга бүтүн дойду инники сайдыытын торумнуур, эн биһикки олохпутун таарыйар.
Ньурба улууһун Күндээдэ сэлиэнньэтин олохтооҕо Венера Степанова санаатын үллэстэр:
— Мин Владимир Владимирович Путин Анал этиитин, сыл аайы буоларын курдук, сиһилии иһиттим. Бэрэсидьиэммит быйылгы этиитэ хас эмэ сылы уҥуордаан, 2030 сылга диэри дойдубут сайдыытын өтө көрөн былааннаах, тиһигэ быстыбат ситимнээх үлэни хабарыттан олус үөрдүм. Тыа сирин олохтооҕо буоларым быһыытынан, «ордук тыа сиригэр» диэн тоһоҕолоон бэлиэтиир тылларын чугастык ылынным.
Ол курдук, «Чөл туруктаах көхтөөх уһун үйэлэнии» («Продолжительная и активная жизнь») национальнай бырайыак чэрчитинэн тыа сиригэр спортивнай тутуу, балыыһа өрөмүөнэ көрүллэрин, диспансеризацияны өрүү көтүппэккэ барар уонна ГТО нуорматын ситиһиилээхтик туттарар үлэһиккэ нолуокка чэпчэтии баар буолуон бэркэ сэҥээрдим.
Аны эдэр ыччакка киирсэр оҕолордоох киһи «Арассыыйа ыччата» саҥа бырайыак номнуо бу сылтан үлэлээн барарыттан үөрдүм. Бу чэрчитинэн, эдэр исписэлиистэр тыа сиригэр олохсуйар усулуобуйаларын оҥоруу баар буолар ини диэн эрэнэбин.
Биллэн турар, ханнык баҕарар дойду олуга дьиэ кэргэн, ыал төһө элбэҕиттэн нэһилиэнньэтин ахсаана тутулуктаах. Онон В.В. Путин «Дьиэ кэргэн» национальнай бырайыагы 2030 сылга диэри уһаппыта саамай сөптөөх дии саныыбын.
Бэрэсидьиэн Арассыыйаны аан дойду түөрт улахан экэнэмиичэскэй державатын ахсааныгар киирэр кыахтааҕын этэн туран, «Кадр» диэн ааттаан, өссө биир саҥа национальнай бырайыак олоххо киириэн эттэ. Манна оскуола уонна идэни биэрэр үөрэх тэрилтэлэрэ ыкса сибээстээх үлэлэрэ көдьүүстээх буолуон, 2028 сылга диэри мөлүйүөн кэриҥэ оробуочай идэлээх үлэһити бэлэмнээһин соруга турарын тоһоҕолоон бэлиэтээтэ.
Бу маны биһиги тыа сирин олохтоохторо хабан ылан, таба тайанан, оҕолорбут анал үөрэхтээх үлэһит дьон буолалларын ситиһиэ этибит.
Норуоттар доҕордоһууларын күннэрин көрсө, сэтинньи 1 күнүгэр, кыһыммыт бастакы киэһэтигэр, Арчы дьиэтигэр Опера уонна балет…
Ньургустаана Петрова мэдиссиинэ сиэстэрэтинэн үлэлээбитэ отуттан тахса сыл буолла. Байыаннай дьайыы буола турар сиригэр 2024…
Сэтинньи 3 күнүгэр Суорун Омоллоон аатынан Опера уонна балет судаарыстыбаннай тыйаатырыгар «В единстве культур –…
Энньэ - былыр кыыс сүктэригэр илдьэ кэлэр бэйэтэ бас билэр баайа-дуола. Энньэ эмиэ халыым курдук…
Алтынньы 27 күнүттэн сэтинньи 1 күнүгэр диэри Владивосток куоракка буолбут Уһук Илиҥҥи III хуор олимпиадатыгар…
Маны билэҕит дуо? Дьэдьэни сэниэ эстиитигэр, хаан кыһыл эттигэ аҕыйааһыныгар, оҕо иһин ыарыытыгар тутталлар. Кучу…