Салгыы
Венера Степанова: «Көмөлөһүү — хорсун санааҕа сүгүрүйүү, ытыктабыл бэлиэтэ»

Венера Степанова: «Көмөлөһүү — хорсун санааҕа сүгүрүйүү, ытыктабыл бэлиэтэ»

Ааптар:
21.03.2023, 18:00
Мария Васильева, СИА
Бөлөххө киир:

Ньурба улууһун Күндээдэ нэһилиэгин дьокутаата, оҕо уһуйаанын сэбиэдиссэйэ Венера Ивановна Степанова хардарыта көмөлөһүү, өйөһүү бу, биллэн турар, дойдубут Бэрэсидьиэнэ Владимир Путин байыаннай эпэрээссийэ кыттыылаахтарын өйүүр туһунан дьаһалын толорууну сэргэ биир дойдулаахтарга ытыктабыл, кинилэр хорсун санааларыгар сүгүрүйүү бэлиэтинэн уонна эйэлээх олох иһин туруулаһыыга бигэ тирэҕинэн буоларын бэлиэтиир.

Хаартысканы Венера Степанова тиксэрдэ.

– Биһиги нэһилиэктэн олохтоох икки уолбут быстах ыҥырыынан, биир уол бэйэтин баҕа өттүнэн уонна мантан төрүттээх икки уолбут байыаннай дьайыыга кытта сылдьаллар. Аҕыйах хонуктааҕыта өссө биир уолбут баҕа өттүнэн байыаннай сулууспаҕа барарын атаардыбыт. Хас биирдии уол тус бэйэлэригэр уонна дьиэ кэргэттэригэр, төрөппүттэригэр ыраах-чугас диэбэккэ, туох кыалларынан нэһилиэк олохтоохторуттан, тэрилтэлэртэн, түмсүүлэртэн көмө кэмиттэн кэмигэр оҥоһулла турар. Ол иһигэр отунан-маһынан хааччыйыыга, дьиэ ис-тас үлэтин толорууга, таҥас-сап тигиигэ көхтөөхтүк кыттабыт, уоппускаҕа кэлбит байыаспытын аймах-билэ дьонунуун бары бииргэ үөрэ көрсүбүппүт.

Украинаҕа байыаннай дьайыыга сылдьан нэһилиэкпит хорсун-хоодуот уола Анатолий Зедгенидзев  ыараханнык бааһыран, госпиталга сытар. Бу күннэргэ ийэтэ Мария Николаевна Дмитриева уолун көрө-истэ, ыарыылыы барарыгар «Туску» норуот айымньытын дьиэтин үлэһиттэрэ «Кубок Поршня» хаар айан күрэхтэн киирбит үптэн уу харчынан көмөнү тэрийээччи Анатолий Петров туттарбыта.

Бу, биллэн турар, дойдубут Бэрэсидьиэнэ Владимир Путин байыаннай эпэрээссийэ кыттыылаахтарын өйөөһүнүн туһунан дьаһалын толорууну сэргэ биир дойдулаахтарга ытыктабыл, кинилэр хорсун санааларыгар сүгүрүйүү бэлиэтинэн уонна эйэлээх олох иһин туруулаһыыга өйөбүлүнэн, тирэҕинэн буолар.

Аҕыйах хонуктааҕыта байыаннай дьайыыга сылдьар дьонноругар көмө илдьэ, көрсө Сунтаартан бара сылдьар кэмнэриттэн интервьюга көрдөрбүттэригэр, уолаттар «эһигини сайыһыах курдук буоллубут» диэбиттэригэр, хараастан ылбытым.

Мин байыаннай эпэрээссийэ кыттыылаахтарыгар бэриллэр уоппуска күнүн ахсааныгар барар-кэлэр күннэрэ киирбэт буолбутуттан үөрэбин. Бу бэриллэр уоппуска күннэрэ дойдуларыгар, дьонноругар ахтылҕаннарын таһаарар, күүс-уох эбинэр, өй-санаа чэбдигирдэр кыахтарын туһаналларыгар толору туһуланара олус үчүгэй.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 марта
  • -15°C
  • Ощущается: -22°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: