Мария Васильева, СИА
Ньурба улууһун Күндээдэ нэһилиэгин дьокутаата, оҕо уһуйаанын сэбиэдиссэйэ Венера Ивановна Степанова хардарыта көмөлөһүү, өйөһүү бу, биллэн турар, дойдубут Бэрэсидьиэнэ Владимир Путин байыаннай эпэрээссийэ кыттыылаахтарын өйүүр туһунан дьаһалын толорууну сэргэ биир дойдулаахтарга ытыктабыл, кинилэр хорсун санааларыгар сүгүрүйүү бэлиэтинэн уонна эйэлээх олох иһин туруулаһыыга бигэ тирэҕинэн буоларын бэлиэтиир.
– Биһиги нэһилиэктэн олохтоох икки уолбут быстах ыҥырыынан, биир уол бэйэтин баҕа өттүнэн уонна мантан төрүттээх икки уолбут байыаннай дьайыыга кытта сылдьаллар. Аҕыйах хонуктааҕыта өссө биир уолбут баҕа өттүнэн байыаннай сулууспаҕа барарын атаардыбыт. Хас биирдии уол тус бэйэлэригэр уонна дьиэ кэргэттэригэр, төрөппүттэригэр ыраах-чугас диэбэккэ, туох кыалларынан нэһилиэк олохтоохторуттан, тэрилтэлэртэн, түмсүүлэртэн көмө кэмиттэн кэмигэр оҥоһулла турар. Ол иһигэр отунан-маһынан хааччыйыыга, дьиэ ис-тас үлэтин толорууга, таҥас-сап тигиигэ көхтөөхтүк кыттабыт, уоппускаҕа кэлбит байыаспытын аймах-билэ дьонунуун бары бииргэ үөрэ көрсүбүппүт.
Украинаҕа байыаннай дьайыыга сылдьан нэһилиэкпит хорсун-хоодуот уола Анатолий Зедгенидзев ыараханнык бааһыран, госпиталга сытар. Бу күннэргэ ийэтэ Мария Николаевна Дмитриева уолун көрө-истэ, ыарыылыы барарыгар «Туску» норуот айымньытын дьиэтин үлэһиттэрэ «Кубок Поршня» хаар айан күрэхтэн киирбит үптэн уу харчынан көмөнү тэрийээччи Анатолий Петров туттарбыта.
Бу, биллэн турар, дойдубут Бэрэсидьиэнэ Владимир Путин байыаннай эпэрээссийэ кыттыылаахтарын өйөөһүнүн туһунан дьаһалын толорууну сэргэ биир дойдулаахтарга ытыктабыл, кинилэр хорсун санааларыгар сүгүрүйүү бэлиэтинэн уонна эйэлээх олох иһин туруулаһыыга өйөбүлүнэн, тирэҕинэн буолар.
Аҕыйах хонуктааҕыта байыаннай дьайыыга сылдьар дьонноругар көмө илдьэ, көрсө Сунтаартан бара сылдьар кэмнэриттэн интервьюга көрдөрбүттэригэр, уолаттар «эһигини сайыһыах курдук буоллубут» диэбиттэригэр, хараастан ылбытым.
Мин байыаннай эпэрээссийэ кыттыылаахтарыгар бэриллэр уоппуска күнүн ахсааныгар барар-кэлэр күннэрэ киирбэт буолбутуттан үөрэбин. Бу бэриллэр уоппуска күннэрэ дойдуларыгар, дьонноругар ахтылҕаннарын таһаарар, күүс-уох эбинэр, өй-санаа чэбдигирдэр кыахтарын туһаналларыгар толору туһуланара олус үчүгэй.
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…
Бу туһунан Саха сирин бырабыыталыстыбатын Бэрэссэдээтэлин солбуйааччы Анатолий Семенов иһитиннэрдэ. Нам улууһугар халаан уутуттан үөрэх…