Хаартыска: PxHere саайтан
Вьетнам салалтата Арассыыйа гражданнарыгар визата суох эрэһиими 2028 сыл кулун тутар 15 күнүгэр диэри уһатар туһунан резолюция ылынна диэн NhanDan портал докумуоҥҥа олоҕуран суруйар.
Бу быһаарыы Германия, Великобритания, Франция, Испания, Италия, Швеция, Дания, Финляндия, Норвегия, Соҕуруу Корея уонна Япония гражданнарыгар эмиэ сыһыаннаах. Оттон Белоруссия испииһэктэн таһаарыллыбыт, диэн иһитиннэрэр “Российскай газета”.
Виза эрэһиимин суох оҥорор туһунан кэпсэтии Кытайы кытта эмиэ бара турар.
“Биһиги икки дойду гражданнара айанныылларыгар табыгастаах гына оҥоруохпутун баҕарабыт. Кинилэр элбэхтэ көрсөн, бэйэ-бэйэлэрин кытта ыалдьыттаһалларыгар туһалаах эрэ буолуоҕа. Бу эмиэ Кытай, Арассыыйа хас биирдии олохтооҕун баҕа санаата дии саныыбын. Билигин биһиги бу боппуруостары дьүүллэһэ, быһаарыыны көҕүлүү сылдьабыт», — диэн Москваҕа баар өрөспүүбүлүкэ посольствотын дипломата Чжан Вэй ТАСС-ка интервьютугар эттэ.
Дипломат этэринэн, визата суох сылдьыһыы Кытай уонна Арассыыйа үгүс биэдэмистибэлэрин таарыйар, ол иһин бириэмэ онно барар.
2023 сыл атырдьах ыйыттан Арассыыйа туристическай бөлөхтөрө Кытайга визата суох сылдьаллара көҥүллэммитэ.
2026 сыл -- илиҥҥи гороскуобунан Уот кыһыл Ат сыла. Дьэ, быйыл Саҥа дьыллааҕы харыйалары хайдах…
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…