Хаартыска: Иван Яковлев.
Горнай улууһун киинигэр Бэрдьигэстээххэ бырабыыталыстыба отчуотугар олохтоохтор араас хабааннаах ыйытыылары биэрдилэр.
Байыаннай дьайыы кыттыылааҕын ийэтин дьиэтиттэн ититиини араарбыттарын вице-премьер Ольга Балабкина суһаллык быһаарарга соруйда. Маны тэҥэ, уола сүппүтэ икки сыл буолбут аҕа боппуруоһун тус хонтуруолугар ылла.
53 сыллааҕыта акушерынан үлэлии кэлбит Мария Николаевна 52 сыл устата олорбут дьиэтэ көһөрүү бырагырааматыгар хабыллыбыт эрээри, 2017 сыл кэнниттэн хаарбаҕынан ааҕыллыбыт буолан, сокуон уларыйыытыгар түбэһэн, кэтэһиннэрэллэр.
Бэрдьигэстээххэ 102 эдэр педагог, 300-тэн тахса эдэр исписэлиис баар. Кинилэр олорор дьиэни туруорсаллар. Манна улуус дьаһалтата социальнай куортам, чэпчэтиилээх куортам бырагыраамаларыгар хапсарга үлэлэһэр. Бу чэпчэтиилээх куортам бырагыраамата куораттарга эрэ буолбакка, тирэх пууннарга, оройуон кииннэригэр үлэлиирин туруорса сылдьаллар.
Маны тэҥэ, Бэрдьигэстээх олохтоохторо өртөөһүн, суол бэлиэтин туруоруу, ходуһа, сир, о.д.а. боппуруостарын көтөхтүлэр.
Ольга Балабкина Бэрдьигэстээх олохтоохторо боппуруостары сөпкө, таһымнаахтык көтөхпүттэрин, улуус дьаһалтата киэҥ хабааннаах үлэни ыытарын үрдүнэн, кыра кыһалҕалар баалларын бэлиэтээтэ.
Ангелина Васильева.
Ааптар түһэриитэ.
Арассыыйа норуодунай артыыската Вера Алентова 83 сааһыгар олохтон туораата. Бу туһунан РИА-Новости иһитиннэрэр. Вера Алентова…
Ааспыт сууккаҕа өрөспүүбүлүкэҕэ биэс буруйу оҥоруу буолбутун туһунан СӨ Борокуратуурата иһитиннэрэр. Дьокуускайга суотабай төлөпүөнү уорбуттар.…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Саҥа дьыл саҕана үгүс хаһаайкалары бырааһынньык остуола долгутар. Саҥа дьыллааҕы салааттар, ас-үөл барыта сыалаах-арыылаах. Бырааһынньык…
"Энтеромикс" вакцинаны чинчийии бастакы фазатыгар дозировкатын уонна тулуйумтуотун быһаарыахтара. Чинчийиини Арассыыйа доруобуйа харыстабылыгар министиэристибэтин Радиологияны…
СӨ Экологияҕа, айылҕаны туһаныыга уонна ойуур хаһаайыстыбатыгар миниистирэ Евгений Перфильев өрөспүүбүлүкэ акваторияларын ыраастааһыҥҥа баар былааннар…