Хаартыска: @suntaar_ulus
«Хайдах олороҕун ытык кырдьаҕас? Доруобуйаҥ хайдаҕый, этэҥҥэ дуо?» — диэн «Биир ньыгыл Арассыыйа» бэлитиичэскэй баартыйа Сунтаардааҕы олохтоох салаатын сэкирэтээрэ Анатолий Григорьев, баартыйа Сунтаардааҕы ситэриилээх кэмитиэтин сэкирэтээрэ Борис Уларов, улуус баһылыгын социальнай боппуруостарга солбуйааччыта Гаврил Еремеев улууска соҕотох сэрии бэтэрээнигэр, Сиэйэ нэһилиэгин олохтооҕор Прокопий Степановка ыалдьыттаатылар.
Кинини улуус баһылыга Кыайыы күнүгэр эҕэрдэлиир, чиэстиир үтүө үгэстээх. 101-с хаарын санныгар уулларбыт кырдьаҕас саллаат итии үүттээх чэйин бэлэмнэтэн, кэтэһэн олорор. Кини бөлүүн түүн долгуйан сүгүн утуйбатах буоллаҕына, бүгүн байыаннай киһи быһыытынан мэтээллэрин түөһүгэр анньынан, ытык бырааһынньыгы өрөгөйдүү көрсөр. Кини санаатыгар мэлдьи эдэр, билигин да дьээбэлэнэн 67-бин аастым диир.
Бүгүҥҥү күҥҥэ өрөспүүбүлүкэҕэ барыта 16 сэрии бэтэрээнэ баар буоллаҕына, Сунтаар улууһуттан төрүттээхтэр үһүөлэр. Ол курдук, Яковлев Пётр Константинович, Григорьев Мартын Герасимович Дьокуускайга олороллор. Кинилэри бырабыыталыстыба бэрэссэдээтэлин солбуйааччы Михаил Никифоров уонна улуус бэрэстэбиитэлэ Семён Глухарев Кыайыы 78 сылынан эҕэрдэлээтилэр.
Ытык кырдьаҕастар этэҥҥэ буоллуннар, биһиги аттыбытыгар сылдьан, чугас дьоннорун үөрдэ, дьоллуу сырыттыннар. Киэн туттабыт, сүгүрүйэбит!
Сунтаар улууһун дьаһалтатын пресс-сулууспата
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…
Арассыыйа Бэрэсидьиэнэ Владимир Путин пресс-кэмпириэнсийэни кытта холбоммут быһа сибээс кэмигэр дьиэ кэргэни өйөөһүҥҥэ улахан болҕомтону…