ВИДЕО: 1140 наартаны ойбут Өймөкөөн күрэсчитэ кимий?

А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар күрэхтэһиилэрэ салҕанан бара турар.

Өймөкөөн улууһуттан 20-тэн тахса киһи «Манчаары оонньууларыгар» кытта кэлбит. Улуустарын бастыҥ күрэсчиттэриттэн биирдэстэрэ Георгий Софронов хотугу дэгит оонньууларга ситиһиилээхтик кыттыбыт. Бүгүн наартаны ойууга кини көрдөрүүтэ — 1140. Бу иннинээҕи көрдөрүүтэ — 1111 наарта, ааспыт сылга Красноярскайга Арассыыйа чөмпүйэнээтигэр ситиһиитэ.

Георгий саамай сөбүлүүр көрүҥүнэн — наартаны үрдүнэн ойуунан оскуолаҕа үөрэнэ киириэҕиттэн дьарыктаммыт. Тириэньэрэ аҕата Николай Николаевич бэйэтин кэмигэр эмиэ бу көрүҥҥэ рекорд олохтообут. Ийэтэ бастыҥ өйөөччүлэрэ, тэрийэн, бэрийэн күрэхтэһиигэ ыытааччылара. Георгий «Манчаары оонньуулара» олус үчүгэйдик, үрдүк таһымнаахтык тэриллибитин бэлиэтиир. Ардах түһэрэ — илгэҕэ, күн көрөрө — ситиһиигэ диэн санаатын үллэстэр.

Георгий маннык кэпсиир: